星期五 十二月 29, 2006

噚晚甩左牙仔啦!好鬼死大隻架,又比咪咪執到喎,好開心呀,  可以食番我至愛既狗糧,又唔使咪咪擔心同督促住,真係free啦!! 咪咪由明天開始連放3日呀,佢肯定肯陪狗地,以狗地既睇法,佢一定唔會去街,實留係屋企陪狗地架,雖然狗地成日對住咪咪會好鬼悶,不過算啦,佢係一個好乖既咪咪. 

星期四 十二月 28, 2006

狗地好開心呀!!!  豆豉生日邀請狗地去,不過要等豆豆答應先得,如果得豆咪一個帶狗地去街,狗地實在太擔心啦!! 仲要去八卿喎, 元朗肯定有好多狗地,實嚇死咪咪啦!!! 咪咪好無鬼用架, 佢只係小數既狗地佢係唔怕,其餘既佢會怕架.

26/11/2006 Puzzle打第3針

Puzzle於11月26日已經打了第3針啦! 2007年11月27日先要再打呢支加強針.

 

身體狀況

體重: 9磅

體格: 醫生話現在好標準啦!!

 

好開心呀!!Puzzle有一個健康既身體,咁我做咪咪既就唔駛擔心啦!!!

星期日 十二月 24, 2006

各位哥哥姐姐, 唉!! 狗地今日好無鬼用呀!! 難得咪咪同啤啤專登同我落街行吓.點知第一次正識去街既我,佢地仲帶埋狗地至愛既玩具&零食呀, 佢地用心良苦,但係我都係唔肯行呀.咪咪話比我激死佢呀!!搞到咪咪要抱住我行,個心真係有啲唔好意思呀!! 咪咪話如果我再係咁買架寵物車比我喎,佢話唔可以成日咁抱我,佢話好累呀.

哥哥姐姐不如你地教下我咪咪,點樣可以訓練我落到街自己肯行呀!!! 唔該哂.

4/12/2006 甩左第二隻牙呀.

頭先我又發現Puzzle甩左隻牙係地下,今之比上次既仲細隻呀.現在已經發現甩左兩隻,唔知佢會有幾多隻比我發現呢?

 

3/12/2006 Puzzle 的第一次

今天Puzzle第一次見肥寶表哥呀!!

 

佢都好開心,一見到肥寶表哥就同肥寶玩,完全唔怕羞,反而肥寶就有少少怕佢啦!!

 

不過Puzzle沖完涼後,就第一次落地行,佢只係企係度,死都唔肯行呀,又唔同肥寶玩,都唔知佢想點,比佢激死呀.

Puzzle識上梳化啦!!!

佢返左嚟差不多一個月啦!!!佢當初唔識得上梳化,佢見我地係梳化,佢只會企起身,係咁跳,跳到累未瞓囉.現在我唔坐係張梳化度,佢都會自己上去啦!!

 

佢係11月23日第一之跳上張梳化度,到左今日佢每次跳都好成功地上到去啦!!!!

19/11/2006 Puzzle 甩牙

11月19日晚上,Puzzle甩了一隻牙.

 

起初都唔知佢甩左隻牙係地下,我只係以為有啲污垢係地下,咁佢就係度嗅來嗅去.咁我見地下有污垢,咁未去攞啦!!當我摸落去既時候,發現原來唔係污垢物,係佢隻牙,不過佢隻牙真係超級細隻,好得意架.

31/10/2006 PUZZLE自己留在家最長時間的第一天!!

自從PUZZLE返左屋企之後,今日係佢自己係屋企最長時間既一日.

 

今早我專登俾平時更早起身,因為我諗住PUZZLE實有好嘢要我做,點知又好出奇,佢係出奇地乖,比平時好,無係個聽到便便及LIULIU,不過佢成晚無見我,佢就好鬼死熱情,係咁要我同佢玩,咁我陪左佢玩一陣,到左7:50我地就走了.

 

今晚我唔駛返學,咁我未第一時間返屋企,我怕得佢一個,佢唔習慣,我返到嚟可能都係6:00,佢一見到我返嚟,就係咁嘈,平時佢好少咁嘈,咁我未即刻走過去抱下佢,都未有時間去做清潔,遺有搞好佢啲情緒,咁我先可以做我想做既嘢.既然都整得,咁我未順便吸塵洗地囉.點知佢見到個吸塵器,佢就好怕,個吸塵器去邊,佢就唔敢去邊,都幾搞笑架,有佢係度既時候真係好充實,我實在太多嘢要做啦!!!

星期四 十二月 28, 2006

狗地由聖誕節開始就唔肯食嘢,咁豆咪問左芝士姐姐&豆豉囉,話狗地甩牙,所以唔肯食囉. 咁就擔心死豆咪啦!!! 日日都要豆咪督促住先食哂,搞到狗地乖豆咪都唔敢比零食狗地食呀!!

今日狗地實在太肚餓啦!! 就比起之前食番多啲嘢, 豆咪先無咁擔心呀!! 另外今日狗地諗自己甩左一隻大牙呀!! 因為豆咪頭先係地下執到一隻牙啦!! 狗地到今日為止已經比豆咪執到八隻牙啦!! 

28/10/2006 回來發生的第一件事!!!

佢返到嚟呢個陌生環境,我地張個袋打開,等佢自己走出嚟,等左好耐,佢都唔肯出嚟,我相信佢好怕,你呢兩個究竟係咩人呢?我又點解會嚟左嚟度,咁我老公就去摸下佢,諗住等佢無咁驚,但係佢都唔肯出嚟,咁我老公就去抱佢出嚟啦!!!

 

佢出到嚟個身係度陣下陣下,等左一陣佢先至無咁驚,但係佢竟然liu liu了,仲要兩次,今日佢唔知係唔係打完針,好痛,我見佢無咩心機喎,希望佢過多幾日會好啲啦!!!

27/10/2006 小狗回來!!!!

今日我地再次去狗鋪,看我地既小狗,佢已經比之前平了,因為佢已經4個月啦! 所以我地決定帶佢返屋企,今日已經比哂錢啦,佢聽日沖完涼,打埋針,我地就會接佢返嚟.真係好期待呀!!

 

咁大個女既我,從未養個寵物,雖然已經做了好多個月既準備,但咁突然,都有啲唔知點,因為經過上次一亦,已經打沉了我咁多個月既準備,所以都有啲覺得唔知點樣.到今日我都唔敢去摸佢,希望一兩日就可以唔怕佢啦!!!

 

我地改左佢個名叫PUZZLE好似係六月出世,係史納莎,男性,葫椒白色,都幾活潑,唔知佢會唔會返轉間屋呢???