7.5度的新界 @31/1/08

噚日咪咪講完比我知,得果8度,佢係噚日抹完身之後,就即刻同我&哥哥一齊著衫,我好叻叻呀,成晚覺覺,都無自己除衫呀,咪咪起身既時候都不知幾咁開心,係咁話我係good girl呀.

咁食完早餐,咪咪就要返工lu,咁我同哥哥一齊入返房同爸爸再一齊瞓過呀.

蛇餅 @30/1/08

今日係我circle出世以來最凍既一日,我家住新界,咪咪頭先話比我知,我地呢樹得8度咋,真係凍屎狗呀,我又唔鐘意穿衫衫,所以我就同哥哥一齊變蛇餅啦.你地睇下.

今日滴了Frontline Plus @ 30/1/08

 

Puzzle & Circle 今日滴了Frontline Plus.

Todia @29/1/08

今日約左同學仔同啊蛇一齊去食buffet,點解

未就係因此剛剛既考試,應該大部份人pass,又太耐無聚聚,所以今日聚下囉.

今日出席既同學仔有, Tracy, Isis, Frankie, Emily, Pauline, Shee Man, Chin Chiu, 啊蛇 & 我,九個人成晚就係咁傾,好開心呀,仲約左出成績表既時候再去卡拉ok tim,好啦,唔講咁多啦,大家睇下d相啦,呢d就係我地今晚大至上食既野,不過有d唔記得影相呀.

散步 @28/1/08

今日咪咪為左彌補我昨日被妹妹搞,今日落住毛毛雨,都帶左我落街街散步......不過點解個肥婆四都有得去架,明明係佢做錯事架....咪咪你偏心呀.

咪咪: 無d咁既事,我就o黎要返學啦,唔同你地散步又有排等架啦.

Cirlce: 哥哥點解係穿左我件衫架.

Puzzle: 我d衫唔岩穿啦,咪咪無買個新既比我,咁借住o黎穿下啦...

Circle: 好啦,不過要還架.

咪咪: 做咩唔望鏡頭呀.

Puzzle: 宜家未望囉.

同個肥婆合照

 

 

 

 

 

被擒記 @27/1/08

近排d天氣癲癲地,因為實在太凍啦,連妹妹都癲埋,狗地今日要講下妹妹d衰野比大家聽.

 

你地睇下,唔知點解妹妹無端端搞我呀.我自問一直以來,我都無咁樣un過妹妹架,仲要我仲係一隻未desex既狗狗,因為咪咪同我講過,circle係妹妹o黎架,唔可以搞佢架.

Mack Leung 狗狗行為講座 @26/1/08

今日要返工,一放工就約左cindy同埋d 卜友食lunch,食完lunch就去上堂lu.

 

今日參加了mack sir既狗狗講座,真係有好多得著,不過有d野真係好難去改善,因為又佢地第一天返到o黎已經咁對佢地啦....不過我會慢慢學習既.

好多謝TOBY MA安排呢個TALK比我了解一下MACK SIR既CONCEPT.等我有時間都要請MACK SIR同我兩隻屎鬼TRAIN下至得.

STARLIGHT容祖兒演唱會08

今日去左睇JOEY既演唱會,今次係第一次睇佢,都覺得幾好,雖然佢唔係跳舞出身,不過佢成晚都有好多跳舞既演出,一路跳一路唱,佢既唱功真係幾好呀.

等到喇 @25/1/08

本來今日係一個好開心既日子,點解,未就係出bonus囉.

我係一間非牟利機構樹做野,行contract制,正常係無雙糧,無bonus,不過呢間公司算係咁,上年既時候,我未做夠一年,都出左差不多一個月既bonus比我,而今年就足足有一個月既bonus呀.

之但係,同我熟既朋友都知,我老公今個月病左,已經無返好多日工,佢既工作係多勞多得,所以佢今個月出糧應該會得好少錢架咋.......所以我個bonus唔可以亂買野,要留番d錢o黎交租同埋交學費呀.

整介子 (已加網址) @22/1/08

今日約左d同學仔一齊去整銀介子,點解會去整呢?因為之前溫書既關係,我地去左其中一個同學仔家姐既office溫書,上到去見到好多關於整銀器既用品,咁我地就約左係考完試既時候,齊齊上去反下啦.

我今日選擇左整介子,因為感覺上好似簡單d,我地上到去,選擇左自己要整既款色後,就開始拎d試驗品去實習.

宜家就係嘗試整個介子型啦.

試左好多次之後,終於有d成績啦!!

一得左,就拎d真野去整啦,呢包就係銀既原材料啦.

幾經辛苦,終於似隻介子啦.

跟住就拎入爐燒5分鐘.

登登登登......成品出o黎啦!!

帶左上手都幾好睇呀!!下次可以試下整第二樣野呀.

呢間公司既web site呀.

http://www.pmcguild.hk/chi/

 

發燒 @21/1/08

噚日已經開始頭痛,都唔知自己唔c服,諗住瞓醒一覺就會無事,點知今朝鬧鐘響既時候,仲嚴重左,+埋周身都痛,咁當然比個籍口自己唔返工啦,點知起身後,越來越唔對路,未探下熱啦,一探之下竟然100度喎,即刻去睇醫身囉,

食完藥都仲痛緊呀.

失望 @20/1/08

本來咪咪打算整愛心

比我同哥哥食,點知佢返到大埔竟然無奶奶

bor,所以我同哥哥都無哂心機囉.

唯有瞓係咪咪到取下暖囉.

跟住咪咪就應承左我地睇下明天買唔買到,買到既話就會第一時間焗比我地食喎,一聽完我就成個狗彈起囉.

感想 @19/1/08

睇完呢單NEWS,真係有好多感慨,宜家既人點解成日都睇唔開呢?如果分數唔好就要死,我相信我要死好多次啦,到宜家出左O黎做野,返學都成日唔PASS啦.

其實人生真係有好多不如意既事,讀書既不如意最多都係成績唔好,又或者無傾得埋既同學仔,但係有咩事,起碼都有DADDY MAME頂住.

但當人大了,家庭,工作,朋友,愛情,都有好多不如意,我亦曾經有一位中學同學,因為佢既愛情不如意,佢選擇左條死路,當我知道既時候真係好唔開心.因為呢個PERIOD我都係剛剛失戀,如果佢知道有一個人同佢同病相憐,可能佢唔會選擇行呢條路.

但當我企起身行過呢一個日子,宜家既生活真係令到我好滿足,雖然我唔係大富大貴,但起碼我有兩個寶貝,仲有一個錫我既人,對於我O黎講已經好足夠LU.

係到,希望有唔開心既朋友,大家都唔好想埋一邊,當大家雨過天晴既時候,你會覺得有一個咁既經歷,令到自己既人生更加多姿多采.

整餅日 @19/1/08

考完試開始放緊break,我就診呢個時候整左少少cake比自己同埋屋企人食,不過就唔可以比

食啦,因為佢要介口,佢唔聽話既性格真係

少眼都唔得架.

一放工就再去買少少材料,

完之後,就九秒九返屋企整啦,因為想整兩個,所以今日要快手d啦

,點知放工去到屋企附近都無cream cheese買,so

就只係整一個啦.

就係Tiramisu,呢個就真係好easy,因為佢只係將所有材料攪掂佢就得啦.不過都係多得♥♥狗地三兄弟♥♥ 既老媽教路,等我唔水慢慢去研究咋

.