MC family: 10月 2007

2007年10月31日星期三

衫衫 @31/10/07

咪咪上完大6,狗地同妹妹都有手信,你睇下我笑得幾開心呀.

呢件係同妹妹o個件一樣架,你地話令唔令呀.

新衫 @31/10/07

星期日咪咪上左大6,本來無諗過買野比狗地架,不過佢見天氣開始涼,d衫又平,所以買左比狗地囉.

但由於咪咪太攰,所以佢都同狗地分開幾日影相相,狗地第一次穿衫衫呀,你地話令唔令呀.

NDS @30/10/07

今日一放工,就約左個同學仔,帶我去trade左部psp,買部nds返o黎,嘩,不過真係有好多color,我就買左部紅黑色既,都幾特別,不過返到o黎要download game就覺得好麻煩啦,因為我係百痴,以前係妹妹男友攪既,依家要自己嘗試,都覺得幾煩呀,希望今晚可以download到啦.

呢部就係我既新機,我買呢個色係因為老公玩都唔會咁"肉酸",其實老公知我like粉紅色既,佢都叫我買,話唔怕,不過我又怕好易dirty,所以就下佢啦.

2007年10月30日星期二

Facebook @30/10/07

近日有好多朋友仔都開了facebook玩,我都唔例外,不過就未有時間去研究,因為實在太忙啦,聽個個講都話好玩,真係要搵日認真d玩吓.

Facebook / MSN = maggiecheung39@hotmail.com

2007年10月29日星期一

廣州 @28/10/07

今日本來約左PP 一 PAIR, CARMEN 一PAIR, 一齊上廣州,點知CARMEN突然有D事,咁佢去唔到,而我就照舊同PP一齊上去.

晨早起身,7:30已經要出門口啦,去到PP已經到左,咁我地就出發去羅湖啦,今日都唔係好多人,我地都好快就過關啦,跟住再去坐火車上廣州,真係有一,兩年無去過,所有野都唔同哂,以前入閘係人手打過"LOAN"係張飛樹,依家就係咁"DO"就得啦,原來大陸都先進左好多.

坐左一個鐘頭車,我地就到達廣州,跟住再轉地鐵去目的地,去到DEBON都未到,咁我就同PP行住先.嘩!!呢個FAIR真係好大呀,行左一陣,DOBON就到啦,咁我地就去醫肚先,呢度D野真係好平,野食都算OK.食完野我地就行啦,行到兩點左右,我地就去下一個地方啦.

就係去睇狗衫衫,D衫都好令呀,仲好平TIM,質地都OK,所以我買左六件返HK,大都份都係買比CIRCLE,因為PUZZLE上年都仲有D未穿哂,所以唔買比佢住,而CIRCLE,我就無買過,所以就無大細超啦.

買完野仲有時間,我地再去一條寵物街,O個樹都有好多PET SHOP,不過就無野睇岩,睇完之後都成5點,由於唔係咁識路,所以我地就坐車去食野既地方啦.

今日DEBON帶我地去一間食日本野既地方食放題,我地去到6點,攰到我死,咁多個鐘都無咩點坐,去到一坐低,簡直C服哂,而D野食都幾好味架,係有水準的,而PP佢地都話未見過我食咁多野呀.

食完野都8點啦,我地就趕去火車站買飛去羅湖,返到羅湖都10點,返埋屋企就要10點半啦,今日既行程就真係攰屎我.

一週年 @28/10/07

唔經唔覺,爸爸同咪咪帶左我返屋企已經一年啦,係呢一年裹面我有開心,亦有唔開心(比爸爸打),不過,多數都係開心既.跟住仲帶多個妹妹circle比我同我一齊玩,狗地已經心滿意足.

雖然今日咪咪唔得閒係屋企陪我,爸爸又要返工工,所以都係得我同妹妹係屋企吽,雖然咪咪唔得閒整野比我食,我今晚都同噚日一樣,都有雞雞加料,好過無,咪咪應承左我等佢得閒會整多d野比我食架,當補數喎.咪咪我知你已經好辛苦架啦,我今日要鍚佢鍚番夠本先.

2007年10月27日星期六

書局減價 @27/10/27

今早見到人地既blog講有書局減價,所以放學就去左cc,初時只係諗住買狗狗食得天然,不過見到狗狗都有得織毛衣,就諗都無諗買埋佢啦,等我第日有時間一定要試下織.

狗地的第一次 @27/10/07

今日表姐又o黎左我地屋企,佢好鐘意攬我架,仲要攬得好實架,因為表姐好鍚我架.到左夜晚因為哥哥既關係,狗地今日都可以食雞c+糧糧,咁大個女都好似係第一次咋.

一週年加餸 @27/10/07

咪咪話由於明天係狗地回家一週年紀念,佢明天唔得閒,怕整唔到野食比我食,而今日又要返學,所以最終佢今日買左雞c溝糧糧比我當慶祝,d雞雞好好味架,多謝咪咪.

感想 @27/10/07

一年半前,同老公搬左出o黎住,佢又要成日返大陸,亦為左克服我怕狗既問題,所以決定買一隻小狗返屋企陪我.

本來有個朋友應承左佢d狗bb出世後,會留一隻比我,點知比人放飛機,當時勁唔開心,之後去過狗場睇狗狗,咁仲嚇死我tim,d狗狗好dirty,仲要4,5個月,都要賣成幾千元,最終都睇唔岩,本住死心不息既心態,再去pet shop cc,點知就比我地睇仲左兩隻,而其中一隻就係puzzle,另一隻女仔d毛好令架,我地都好鐘意,不過puzzle就比較活躍d,由於我係第一次養小動物,所以只可以帶一隻返屋企囉,而呢個幸運兒就係puzzle啦.

仲記得第一晚帶佢返屋企,係我自己去pet shop接佢,首先pet shop既人將佢放係個袋樹,我直情唔敢將個袋貼近自己個身度,因為我當時都好怕,我仲帶住puzzle係bus stop等埋老公返o黎,先一齊返屋企,依家諗起自己都覺得好好笑.仲有,第二日得我一個係屋企對住puzzle,咁就唯有頂硬上,就係咁,我亦開始無咁怕狗lu.

自從puzzle成為我家一份子之後,亦令我既身活多姿多采,係屋企,一見到佢就會成個人開心哂,唔開心,亦可同佢講,佢會好似明咁,陪住我.另一方面,係internet呢個地方因為佢識到好多朋友仔,令自己眼光都闊左好多,有d仲成為好朋友,無所不談tim.

係度我好想多謝puzzle帶左比我好多歡樂,希望我地以後每一個年頭都咁開心.

Puzzle 明天你就成為我家一份子一週年紀念,本來咪咪今日想整d muffin 比你當慶祝,但係我今日要返工,放工又要返學,返到屋企又要同你地沖涼,所以咪咪今晚買d雞柳比你加餸,下次有時間先整其他野比你食呀.

2007年10月26日星期五

生日飯 @25/10/07

難得今日唔使返學,今個月又有朋友生日,咁今晚我地就出左去九龍城既"隆姐"食飯,我好耐無去過啦.去到九龍城一落車就見到老公, 時間尚早,咁我地就去行左一陣 pet shop,跟住就去食晚飯lu.

今晚主腳有Carmen 同 PP,佢兩個都係10月生日架.

如常今日都係叫返d例牌野.

生蝦+炸蝦頭 (呢個我同老公超鐘意)

豬頸肉

菠蘿炒飯

魷魚筒

泰式拚盤

雞c粉皮 (呢個又平又低食,d粉皮係綠色好得意呀!)

濕炒雞c麵

冬陰公湯

雞肉＋豬肉串燒

食完飯已經好飽lu,咁就即刻坐車返屋企,返到去都成10點幾啦攰屎我呀.

仲有今日收到一份手信,都好似幾好味喎,搵日得閒要食左佢先.

2007年10月25日星期四

去中環睇專科 @25/10/07

過左兩星期,今日又係去中環覆診既日子,見到醫生,醫生話d皮膚已經好左好多,就唔使返去咁密,下次既覆診就係一個月後啦,睇完醫生.

如常以九秒九既速度返屋企,返到o黎都唔夠4:00,本來就幾舒服,不過返到o黎未又係要洗地洗衫,個個星期四都係咁,因為係得今日唔使返學咋.

做完哂d野依家好攰呀.

2007年10月24日星期三

ee餓餓 @24/10/07

今朝知道發生左一件咁既樹,我同老公已經無咩心機,我亦唔咁講多半句,因為知佢心情不好,點知佢啊媽已經第一時間打比佢,問佢咩樹啦,佢已經將全部野講哂佢知,咁未唔水擔心囉.

到左差不多早上九點,佢啊媽又打比我,問我究竟發生咩事,咁未照直講,借左架車比o個個人,佢撞到人囉,就係咁簡單,點知佢就開始轟炸我啦,仲要話架車撞到散哂TIM. 之後就叫我去同老公講以後唔好借車比人,又唔好問人地借車,費時煩,當時我第一個反應就係同佢講你想我比人炳呀,依家風頭火勢,要講就你自己講啦,個仔係你既,仲咩又擺我上檯. 跟住仲要話12月唔知邊個o黎HK,打算叫個仔車佢地周圍去,依家無左架車,點算?我心諗,你個仔唔水返工咩,佢唔同我地,我地係月薪,無咩野做請下假無問題,但係你個仔係日薪,手停就口停,都唔用下個腦.跟住我又梗係打比老公話比佢知佢啊媽搵過我啦,費時一陣又唔知講我D咩.

仲要咁大聲話唔借人地D野,之前我地無車,佢家姐去完旅行接佢機,咁未又係問人借車,做人都唔識得倒轉O黎諗下既.

我架車撞到人 @24/10/07

噚晚老公同puzzle"mui"完身之後,因為有d事就出左去,成2點幾先返到o黎,點知一返到o黎又收到電話話我地架車撞到人,搞到成晚瞓得唔好呀,真係比佢朋友激屎.

今朝起身,一睇新聞,就報導梗呢單野,見到個人重傷,個心真係好唔c服,希望呢個男人快d無事啦,我相信我朋友唔係有心架,只係一時大意咋.唔好怪佢呀.

講番我地架車,我梗係勁唔開心啦,不過我無係老公面前嘈呀,因為我知道佢仲唔開心過我.因為今個星期我地都要用車,而家無得用啦,到整車,揸車o個個人又唔知會唔會負責,可能到時又係我地比錢.真係鑊鑊新鮮鑊鑊金.

2007年10月23日星期二

買左新野 @22/10/07

咪咪話妹妹有野寫,所以佢都要留番d野比我寫喎,今日咪咪病左,係屋企陪我地,當然我同妹妹就玩到癲哂啦,我仲發現咪咪買左d野,一樣係書書,另一樣係梳,仲要買左兩把,實行一狗一把囉.

Playing @22/10/07

今日咪咪病左,成日都係屋企陪我地,咁我同哥哥就玩足成日,不知幾咁開心.咪咪仲同我地影左兩張令令相tim.

2007年10月22日星期一

病倒了 @22/10/07

每逢轉天氣,我都要探下醫生,今次亦唔例外,喉嚨痛+ 鼻塞,搞到我成晚無覺好瞓,所以今日去左睇醫生兼且請一天sick leave休息下,不過今晚仲要返學呀.

呢d就係今次食既藥啦.

仲有之前係車車個bolg見到打加衛苗,頭先都問埋醫生,佢o個樹都有得打,我打算好番去打呀,哂幾千元買個保障,同老公商量完都覺得值呀,不過如果有女仔想打,最好既時間係26歲之前呀,大家記住啦.

老公Best Friend的手信 @22/10/07

係月頭老公幫左佢既至愛best friend做兄弟,而佢o個3日都做得好好,所以佢老死去密月都買左d手信比佢呀.

2007年10月21日星期日

啊琪生日 @21/10/07

今日係老公個妹生日,我地今日買左個黑森林蛋糕比佢食,不過都未食既時候,肥婷已經係咁叫我地要食蛋糕啦,你地睇下佢個喂食樣呀,每次有人生日,佢都係主角,因為佢實在太鐘意食啦.

肥婷: 媽媽,生日快樂啦!!!

尋寶 @21/10/07

噚晚姑姐生日,所以表姐又o黎左我地樹瞓啦,仲霸住咪咪tim.當然表姐有同我地玩啦,今日我地又將d玩具反到去櫃低,我同妹妹都攞唔番出o黎呀,表姐就第一時間爬低幫我地搵啦,你睇下我地3個.

Puzzle: 表姐我地d玩具入左去呀,你快d幫下手啦.

Circle: 有d咁既樹,等我都幫下手先.

表姐肥婷: 你地兩個行開d啦,阻住哂.

到最終,表姐當然幫我地攞到出o黎啦,因為佢隻手揸住條滕條架.

Gloria 唱逼得太緊 @21/10/07

呢個就係puzzle同circle既表姐,亦係我同我老公最錫既小朋友,因為佢真係好乖架,你地聽下佢唱迫得太緊唱得幾有水準.

2007年10月20日星期六

心肝掟肥婷與新香蕉俱樂部對話 @20/10/07

前幾日老公同我講,我地個心肝掟肥婷同d DJ哥哥傾電話,仲比佢地邀請左佢去19號星期五既function.

呢個係佢係15號第一次同DJ哥哥第一次既紀錄,大約係第37分鐘開始,媽咪叫啊琪,個女叫gloria就係啦,你地入去聽啦.

http://streaming01.metroradio.com.hk/popup/showbiz/bananaclub/20071015b.wma

呢個係15號晚既,由第30分鐘開始,大家聽下啦.

http://streaming01.metroradio.com.hk/popup/showbiz/bananaclub/20071019a.wma

粟米水 @20/10/07

話說噚日去左媽咪屋企食晚飯,本來打算帶puzzle出去,點知老公打番o黎話佢有野要做,唔去食飯啦,搞到puzzle都無得去探媽咪,而媽咪都好失望呀,係我坐車既時候係咁打比我問我,有無帶佢地出o黎呀,唔好玩啦,我坐巴士,帶唔到啦.

噚晚媽咪煮左兩餸一湯,其中一樣係我至愛"豉油雞",而個湯又清,好過奶奶好多架,唔知點解奶奶煮個菜都油到死,連我老公都忍唔住話佢,佢仲要話菜要多油先好味架,激屎啦.

當然番親媽咪屋企,佢都會有野比我拎走,今次拎走既野係粟米,上次媽咪教過我煲,今日第一次自己煲呀,如果成功就會好好飲架.

2007年10月19日星期五

做Project @19/10/07

今日明明係放假,本來可以帶兩個寶貝去街街,由於返學實在太多野要做,所以徵用埋放假既日子去做功課,今日d同學仔會o黎我屋企做project,希望今日做得完份propsoal啦,咁就可以放下一頭大石啦.

做完project今晚會去媽咪度食飯,如果老公都係一齊係屋企出門口,咁就可以帶是但一個出去啦.你地見到實問我點解唔帶哂兩個,無計啦,媽咪屋企細,帶哂佢地出去都無得玩啦,不過應該會帶puzzle出去多d,因為媽咪鐘意puzzle多d呀.

2007年10月18日星期四

大整蠱@18/10/07

之前提過今年返學覺得好辛苦,一星期返四晚,第一個semester返一,二,三,五,星期一上financial management control,星期二上bus accounting information systems, 星期三上english,星期五上financial management control同project,呢一日係輪住上,咁既schedule已經勁慘
,諗住只係有兩科要考試,一科做project,咁淨番english就唔使考啦,做功課補番,點知miss話佢收到既消息,我地要考4次試,下,唔係化,咁大鑊
,第一次係10月24日,第二次係11月7日,一聽完已經發哂癲,聽唔到第3同第4次啦,咁我d時間未無哂.頂~~