Puzzle & Circle 今日滴了Frontline.
2008年12月16日 星期二
2008年12月2日 星期二
2008年12月1日 星期一
2008年11月27日 星期四
肚仔唔c服 @26/11/08
26/11/08
凌晨,狗地3點幾嘈醒左MAMA,因為我個肚仔唔C服,要MAMA開門比我去TOILET,到左5點幾,我又嘈醒MAMA要去廁所,一晚去咁多次,MAMA已經好擔心啦,呢次仲比MAMA見到有少少血喎,咁佢同我清潔完之後,就同PAPA講,佢起身要幫我約VET,即刻要帶我去見醫生,到左8點幾起身既時候,我再痾多次及嘔,雖然我咁,不過我仲有同哥哥反架,應該不太嚴重.
到左9點幾,MAMA幫我約到睇醫生啦,咁我地就坐BUS出去,醫生同我打左一支針及開左D藥比我,跟住我就跟左MAMA返左公司返工,我好乖架,MAMA D同事都話,點解我唔出聲又唔會週圍走,個個都好鍾意我呀,連怕狗狗既姐姐都會過黎探下我架. 我就坐係樹瞓到mama放工跟住mama就帶我返home lu.
不過我就好慘慘囉,12個HRS唔可以飲水同食野,到左野晚先飲少少水咋.
2008年11月11日 星期二
令令新衫 @11/11/08
咪咪見天氣涼,就買左見新衫比我circle
企係樹係唔係好有型?
原來粉紅色好襯我架,呢個樣仲好醒神添,咪咪話第日買多d粉紅色既野比我呀.
原來我唔笑既時候好cool架.
2008年11月6日 星期四
衰妹痴住哂 @6/11/08
大家睇下我puzzle仔仔明明係姑姐隔離瞓緊,呢隻肥婆仲無端端走埋過黎喎,初時仲要攞個pat pat坐住我個頭呀,鬧佢又唔走bor,係都要同人爭,大家睇下佢個樣瞓得幾鬼死衰呀,就黎跌落地下啦.
2008年11月3日 星期一
Bear Bear@31/10/08
今日一早見同事換左d公仔返黎,之前我都想換架,不過就無諗過一次過換哂既,見到咁令,又唔抵得,所以即刻打比老公,叫佢去換啦.
返到屋企已經見到佢放左係樹啦,5隻一齊又真係好好睇喎,連puzzle都要去睇下呀.
Puzzle: 呢d公仔係唔係買比我返架.
Mama: 梗係唔係啦,係爸爸買比我架,佢都無話比你反,如果你唔會咬爛,比你反下有咩問題bor.
Puzzle: 哼!!好叻咩,唔比未唔比囉,我實搵到機會ko左佢地既.
Mama: 你唔好以為我唔知你諗咩呀....小心比人打pat pat呀.
Puzzle: 咁都比你知道添,咁我都係聞下就算啦.
2008年11月2日 星期日
半年一度既pre-sale@24/10/08
終於等到wing on既pre-sale啦,年年我都撞唔岩去掃平貨,自從2隻寶貝食左homead之後,我就等佢sale啦,因為我想買既野係wing on有好多款架.
今次就係買左呢個"TANITA"既磅,佢既功能有4種架,磅重,測脂肪,測水份,仲有既係測muscle喎,連個牌子我公司既營養師都係用佢架,佢地極力推介架.
而家仲係special promotion,原價7百多元,現在3百多元(未試過呢個prcie架),真係覺得超抵呀.
2008年10月27日 星期一
2008年10月21日 星期二
2008年10月18日 星期六
私有化 @18/10/08
多謝大家一路以嚟都有留意我Puzzle同Circle妹妹既Blog,由於mame想寫多d關於佢自己既嘅網誌!
由依家開始我地會將我地個 Blog私有化,各位好友以後要login咗先可以睇倒我地個blog啦!
雖然我地唔係日日update,不過耐唔耐都會有我地新既消息,如果你地有興趣想繼續睇下我地嘅生活點滴,就請回覆一下啦!!我就會將你加入blog友清單架啦!
2008年10月3日 星期五
再見一半homemade 一半狗糧 @3/10/08
因為想佢地健康,我地其實已經係8月18日開始,早餐狗糧,晚餐homemade,當時點解會咁轉,并唔係因為佢地簡飲擇食,而係home仲有狗糧,無理由就咁浪費哂佢地,因為平時我已經盡量choice天然+出名d既糧比佢地,so同老公商量過,比一個過度期,等食哂d糧先全程change homemade.
佢地至今亦嘗試左3種肉類,包括雞(食左3星期),羊(食左2星期),牛(食左2星期),對於佢地黎講食咩肉佢地都無特別問題,佢地仲好like.
今日難得唔水返學,係home睇tv既時候,無端端竟然講貓,狗既糧都有機會會受近排既事污染左(當然我知道我買既無事),咁當然就同老公講,不如剩餘少少既量唔好要啦,全程轉哂,點知老公又話好喎,等我呢2日準備一下佢地既肉肉,咁就可以全程食homemade啦,諗起佢地有好野食,我都好開心呀,mama應承你地,會努力讀書,咁樣就可以搵多d錢,買d正野比你食啦.
以後佢地就可以e仔+肉+椰子油做一餐啦.
好耐無update啦! @3/10/08
近日睇番個blog,好似真係好耐無update過,就連2隻可愛豬既update都無,事關我呢個做咪咪既已經係9月頭開左學啦,一星期返3日,返到屋企已經超級累,就連最like既上網都少做左lu,仲要由今個星期至11月尾,返學會由3日變4日,今次諗起都想屎呀,到時要一次考3科,點溫呀!!
2008年9月26日 星期五
2008年9月23日 星期二
2008年9月21日 星期日
看了"我和尋回犬的十個約定" @21/9/08
今日同老公去左睇呢套戲,大家都知我一早買左ticket啦,點知大少爺上星期日唔得閒,咁就搞到今日先睇啦.
套戲入面亞嘉莉mama教左我以下呢十個約定,雖然我宜家都已經好錫我兩個仔女,不過我都覺得呢個約定好有用.
1. 請耐心聆聽我的話語 <== 我同老公都好鍾意聽puzzle仔仔同我地傾計架,而circle就唔like講野囉.
2. 相信我，因我一直都與你同一陣線 <== 呢個我都好相信,因為兩隻傻豬驚屎我走佬,我返到去就跟出跟入.
3. 經常和我遊玩 <== 我地都盡量同佢地去反,不過你地要等mama讀埋書,到時我一定會帶你地多d出去反架.
4. 別忘記我也有感情的 <== 呢個我地都feel到呀,由其時puzzle,因為佢實在太過熱情啦
5. 不要和我打架，因為終有一天我長大了，我便會贏的 <== 我地一向都係唔同你地打架啦
6. 我不聽話的時候，一定是有原因的 <== 其實宜家佢地唔乖,我都好少話佢地....噚日聽到呢個約定,我一返到去就真係問啊puzzle仲咩成日咬我張被,可惜既係佢唔會話我知原因囉..... 我屋企成日要買既野,應該會係被同被單囉
7. 你上學，有朋友，但是我……就只有你 <== 好在佢地除左我同老公之外,大家都仲有對方,我亦好努力唔去街,日日都返home陪佢架
8. 我老了以後亦請繼續做我的朋友 <== 地唔係我既朋友,佢地係我同老公既超級寶貝仔同寶貝女
9. 我只活大既十年，所以要珍惜一起生活的每一刻 <== 我宜家已經好珍惜架啦,不過我想再做好d
10. 我不會忘記一起渡過的日子，我死的時候，請留在我的身邊 <== me 2
大家一齊努力加油,為左佢地再遵守更多約定.
2008年9月4日 星期四
我和尋回犬的十個約定 @4/9/08
早幾日,見到報紙有promtion寫住$90.00兩張ticket,仲送folder,覺得幾令,又幾抵,況且我點都會去睇架啦,咁當然去買定張換票証啦.
TOTAL買左兩set
本來有4個folder架,不過就比左一個我老友記pp呀.
下個星期就有得睇啦,真係好期待呀.
2008年8月25日 星期一
香薰用品 @25/8/08
2008年8月24日 星期日
2008年8月22日 星期五
我們都食homemade喇!! @22/8/08
各位,我同妹妹都開始食homemade喇,其實我地都食左成個星期架啦,不過咪咪懶,無幫我地post出黎呀.
咪咪買左包Europa比我地,再+埋d雞肉,就成為左一餐好豐富既晚餐啦.
2008年8月15日 星期五
我可以自由行喇!! @15/8/08
剛剛過左既星期日,咪咪一早9點幾已經出左門口同太婆去飲茶,佢地咁一去就去到成下午5點幾先返.
佢地一打開大門,我circle就已經係門口樹迎接佢地啦,因為我今日上演逃獄記. 我今日唔知發生咩事,係個籠到走甩左出黎,出左黎我又無搞破壞,只係痾左屎尿係地地樹,不過咪咪都無鬧我,因為我痾左屎都無食到,佢已經好開心啦. 仲話我good girl添.就係咁,我宜家係無大人係home既時候我都日日自由行呀,宜家試驗左差不多一星期啦,我都好乖呀.所以咪咪話我以後都可以自由行呀...YEAH~~~YEAH~~~YEAH~~~
2008年8月12日 星期二
好餸日 @12/8/08
自從SUMMER HOLIDAY開始左之後,姑姐同表姐大部份時間都係係我地屋企渡假,所以我地好開心架,因為姑姐同表姐成日都比我地食零食架.
好似今日咁,姑姐就整左紅蘿蔔+雞雞既HOMEMADE我地食呀.
呢個就係我地今日既晚餐.
我地READY左之後,要聽到GO先可以食架.
我地仲偷聽到姑姐話會隔日整HOMEMADE比我地食呀.
2008年8月7日 星期四
新電剷 @7/8/08
自從circle黎左我地屋企之後,一直以黎都係自己幫佢剪毛,上年係pet expo都買左個幾百元既電剷,成日唔覺意就剷到circle一忽忽,我就成日答佢因為個電剷唔掂囉,所以老公就話買個專業d既,等我再無藉口喎.
上星期個電剷返左黎,不過仲未同circle剷毛bor,睇下今個星期有時間要試下先.
2008年8月5日 星期二
石澳後灘 Part II @3/8/08
大家睇下我circle著左救生衣游水,好過上次好多架.
我同哥哥反得好開心架.
好啦...宜家到哥哥show time啦....佢好叻架. 係海中心游番上岸呀.
跟住就係哥哥執玩具上岸啦,呢個玩意今日玩左好多次呀.
2008年8月3日 星期日
石澳後灘 Part I @3/8/08
噚日咪咪帶左circle出街街,今日佢就幫我地約左一班老友記去石澳游水水,我地好早起身,出去接埋豆豆就去食過早餐,點知我地食完早餐班老友記都仲未食呀,我地當然唔理咁多,照玩先啦.
我地9點到就去到石澳,去到既時候,公眾停車場已經滿哂lu,我地只好比貴dd,泊私家停車場啦.可惜既係徐左豆豆之外,其他老友記因為泊唔到車而無得同我地去反呀.
我今日好叻仔呀,自己落水游水水架.
咪咪話我越游越好呀.
今日發現我puzzle會執玩具之後會游返上岸,咁爸爸就同我玩左好耐呢個game,來來回回有成幾十次呀.
我跳水呀.
同兩個令女合照.
好在beis ee借左見救生衣比妹妹咋,佢游得先好少少咋,咪咪話會買番見比妹妹,等佢游水唔水咁驚喎.
咪咪幫妹妹實習游水呀.
實習完妹妹就自己游啦.
我地一齊上岸,好sweet呀.
游完水就去食lunch,不過我地就返左去西貢食,食完就返屋企lu,今日真係港九新界一天游呀.
訂閱：
意見 (Atom)