Boxing Day Party @26/12/07

今日狗地同哥哥參加了whitler媽搞既Boxing Day Party,今早起身豆咪同婆婆食完早餐之後,我地就出發接豆豆家姐啦,去到既時候,佢地已經落左街街等我地lu,豆豆家姐一上車,puzzle哥哥不知幾興奮,係咁要同豆豆反,當然最後又係比豆咪鬧啦!!

跟住我地就向目的地出發啦,就係金喜花園啦,今次係我地第一次去,不過就無想像中咁好囉,因為爸爸話好dirty呀,又多垃圾係個草地上面,搞到佢要做垃圾佬,so佢唔like囉.

而我地就梗係唔理咁多,叫契爺同我地

,契爺雖然唔係咩專業人仕,不過都影得好好架,你地睇下.

哥哥剪左毛毛,令仔左好多呀.

我巧驚驚,所以影得唔係咁令囉.

今日參加既小朋友包括仙太郎. Tigger & 蕃茄, 的噹得, Lolo & Loklok, Mo & Dou,丁丁,迪奇&蘇菲,莎莎,蕃薯, Minicooper,Kimchi. Biru, 樂樂&Minnie呀!(排名不分先後).

到齊之後,佢地就開始bb蕉啦,由於哥哥會走狗,而我又比狗狗嚇親,所以我地都係陪住豆咪bb蕉,等佢地食飽就同我地去行下咁囉.

到咁上下,就到狗地抽禮物啦,我同哥哥都各有一份,真係玩得好開心呀.

抽完禮物我地就返屋企洗黑黑lu.

特別嗚謝Tigger & 蕃茄媽既小禮物!!

 

劉德華wonderful world演唱會2007

早幾日同媽咪傾電話,先知道佢12月23日去睇華仔既演唱會,仲要係免費ticket,不過佢無同我講,就帶左"ei媽"去睇,點知當晚佢地入到場既時候,先知道張ticket係坐第一行,仲要打o黎同我講,華仔就係我地前面,真係好令仔架.

好在老公今次都對我好好,係22號晚,有人多左200元既ticket,老公即刻唔理咁多,要左先,因為聽完mame講之後,我都好想睇呀,呢個就係我其中一個聖誕gift啦.

等左兩日,足之等到24號晚,食左晚飯之後,就入埸啦,今日真係過左一個好開心既聖誕節,因為個演唱會真係巧巧睇呀,華仔仲唱左好多次聖誕歌,今日有老公同華仔一齊過,係咁多年以o黎最開心既一個聖誕.

雖然我坐得唔前,用部DC都影到華仔,不過影出o黎就細粒左d啦,留番自己紀念,所以唔post比大家睇呀.下次睇演唱會要買部prop d既相機去,希望生日gift會收到啦.

老公: 唔好發夢啦,要買就自己買呀.

Merry Christmas

我地一家四口祝大家聖誕快樂

 

深井晚飯 @20/12/07

今日一放工,就九秒九返屋企,因為要清潔左兩個寶貝既toilet

,先出去食飯

.

因為有親戚係外國返o黎,今晚就約左我地去食晚飯

,地點係深井裕記,其實對於我o黎講就真係無咩特別,都係食中菜,不過對於老爺呢個為食猫,就好滿足啦,食完飯就去左發記食糖水,d野真係好好食架

,下次都要老公同我再o黎食過

.

今日滴了Frontline Plus @ 19/12/07

今個月早左7日,發神經,滴完先記得要睇下有無錯,點知真係錯左,不過應該唔緊要既,下個月起碼27號先滴囉.

Puzzle & Circle 今日滴了Frontline Plus.

X'mas gift @18/12/07

星期一病左

無返工,係屋企瞓左幾個鐘

就返學,因為o個晚要考試,唔返唔得,休息左一日之後,已經比起星期六好好多啦!!而兩個臭豬,唔知係唔係知道我病,兩個都算幾乖

,我瞓佢又瞓,完全無打擾我.

今日返到公司,就見到一份X'mas既gift係檯面,原來係個dr.比我地既,人人都有一份,都幾開心架

,因為本人其實無咩節日氣氛,亦唔會為左節日去準備gift,所以每年既gift都係得好少架咋,今年仲要咁早就收到tim,真係又少少意外架.

雖然我就唔係好岩用,不過可以送比媽咪,佢一定好開心架

.

 

發燒 @15/12/07

今日短週,打算的起心肝研究下份功課點做,點知一起身個人已經唔妥,咁未煲個粥,食完再瞓多陣啦,點知,瞓完仲衰,個人尖寒尖涷,都唔知發生咩事,o個個時間又未有得睇醫生,咁未再瞓下啦,點知個人就越瞓越慶,足知頂唔順,探下熱啦,嘩100.1度,大鑊啦,發燒tim,十年都無試過,唔妥左成日,到依家先知係發燒喎.

即刻打去附近既診所啦,點知間間都無人聽,咁唯有等老公返o黎車我去睇醫生啦,出度去都成7點啦,醫生話我食物中毒,去到醫生到都探熱101度呀,即刻叫醫生打番支針,打完支針,無骨痛已經好好多啦.

Puzzle & Circle 今日食了Heartgard @12/12/07

 

Puzzle & Circle 今日食了Heartgard.

Model @8/12/07

今日咪咪帶左狗地去fanling上堂,上完堂就剪毛毛呀,狗地成兩個月都無搵過天使姐姐啦,雖然爸爸佢地都有同過我剪毛,咁當然姐姐d手勢係一流架啦,你地睇下我剪毛前同剪毛後既分別.

剪毛前 ~~~ 成個乞丐咁.

剪毛後 ~~~ 幾英俊呀(即時唔記得影TIM,返到屋企先影咋.

上堂 @8/12/07

其實我係搵私人教授既地方學寵物美容,首先要學一堂護理班先.

今日下午3:30到開始,首先就講解下史納莎既標準,由頭到尾架,好詳細架,唔明既地方,miss會解釋得好清楚tim,講解完就開始護理啦.

其實護理我平時都有同佢地做架啦,不過今日聽完就更加清楚,咁puzzle沖埋涼之後就完成左個護理堂啦.

puzzle成個乞丐咁,梗係要留係到剪埋毛先走啦,其實我未學剪毛架,不過miss都照樣講得好詳盡,驚屎我地學唔識tim.

係呢一個月我要學好點樣揸一把較剪,學識左就可以正識上第一堂剪毛堂啦.

寵物美容堂之第一課 @7/12/07

明天就係我上寵物美容堂既第一堂.

回想初時係一個怕狗,未養過小動物,同老公商量後就帶了puzzle返屋企,只係識同佢玩同埋執屎執尿,連"mui"身同沖涼都要假手於人,以前每兩個星期就帶佢去沖涼,一個月就同佢剪毛,到左係網上面識左carmen之後,佢地兩公婆真係好好架,知道我唔識同puzzle沖涼,我地去反完之後,就跟佢返屋企,佢幫我隻仔沖完之後,仲要幫自己兩隻仔沖喎,仲一路沖,一路教我有咩要注意,就係咁,慢慢我就學識左LU,之後就一直無帶過佢出去比人搞LU.除左搵人上門同佢剪毛毛外.

養左PUZZLE之後,就好想養多隻,好巧合地就帶左CIRCLE返屋企啦,老公到而家都成日話我架,因為當時我只係通知佢一聲今晚我會帶隻狗女返屋企啦,都唔係問佢好唔好喎,係通知佢一聲咋.而CIRCLE就仲慳錢,因為佢返O黎既時候係未開裝架,有一個朋友幫左佢開裝之後,一直都係自己剪架咋,當然有好多地方整得唔係咁好啦.

終於決定去學啦,希望學完之後可以同佢地整得令仔同令女多D啦,亦有咁既能力幫到d朋友剪下毛啦.

糧糧 @6/12/07

一向都係買開15lbs既糧,不過唔夠一個月,兩隻野就已經食哂,所以今次試下買30lbs既糧,希望大約可以食兩個月啦.

今次無係平時訂開糧既地方買,因為比我搵到一間仲平既,計番起平成1xx-2xx不等,近排所有寵物用品都係呢樹買架,同個friend傾完,都覺得佢超平,今日仲自己拎貨,當然比起佢送貨仲平啦.

爸爸今日做左搬運工人,托左一包30lbs既糧返屋企,而我就拎左個新糧筒返屋企,見其他blog友要好辛苦去儲夠分先可以換,但係我只係用左幾十元就已經買左一個,仲幫個老死買埋tim,我同佢都覺得勁底呀,下次都要去番呢間pet shop買野先.

睇醫生 @5/12/07

話說今朝早已經食完哂之前既藥,仲係度諗緊睇唔睇醫生之際,係腦入面突然傳出一把聲音,就係放早一個鐘去睇醫生啦.所以今日都係早左一個鐘頭去見下醫生,兼且逃學返屋企休息下.

返到去都係5點,約左老公去行左一個鐘頭街,先去睇醫生,睇完醫生,老公就開始煮野食,依家已經食飽,今日咁早食左晚餐,真係好滿足呀.

懵下懵下 @4/12/07

今次呢個病真係病得好嚴重下,今晚見眼瞓,未唔等老公同佢地"mui"哂身就自己去瞓先,好快就瞓鬼左,到左凌晨3點幾先發現老公未瞓,佢明明都話攰唔出街架,點知出聽睇下先知,原來佢去左wet,我估佢都係岩岩返o黎無幾耐咋.

d藥都食哂咁滯,我明天要睇多次醫生先得啦,因為都仲係好嚴重下囉.

又打敗仗 @3/12/07

上星期期4,因為帶病無返工,都未好得哂,今日又試再o黎一次,仲要比上次犀利tim呀,食左藥,瞓左成5個鐘午覺,都仲係唔夠咁,連電話響都唔知呀.

所以今晚都係好早瞓呀,成日無返工,明天應該會比平時多野做啦.

 

粉嶺鶴藪徑＋粉嶺香薰園bbq @2/12/07

今日一早咪咪無比狗地食早餐bor,只係比左妹妹食既,原來今日咪咪同爸爸帶狗地去行山呀,費時食左mun mun係車車嘔喎.

仲以為今日狗地一家會係最遲tim,點知仲有人遲過我地,等齊人之後我地就向粉嶺鶴藪徑出發啦,呢條徑都唔算難,不過狗地唔乖,要用繩繩拖住行山山,所以我同爸爸都有少少辛苦呀.

梗係要留番張善影証明我o黎過呢樹啦.

今日係第一次同見toby,好開心呀,我地仲一齊合照tim.

呢個就係我老婆仔啦,不過佢就o黎去macau,都唔知仲有無機會見面tim.

呢d就係狗地既野食啦,都好豐富架,我仲留左個cake比妹妹食tim.

要咪咪叫go先可以食架.

我令定d薰衣草令呀.

呢張梗係老婆仔令d啦.

玩完之後,就送埋老婆仔返屋企,我地先返屋企沖涼洗白白呀,未夠10點我地一家都已經上床覺覺豬啦.

食杜虫藥 @2/12/07

 

今日Puzzle & Circle食杜虫藥.

 

PetMax @1/12/07

今日星期六,咪咪短週,佢幫狗地約左家姐佢地去petmax到行下,所以今朝好早已經起左身lu,因為狗地入袋袋乖,所以今次puzzle哥哥就要係屋企看門口啦.

狗地今日坐巴士去九龍灣,等齊人後,佢地就要食左早餐先,食完之後就坐車車出發lu.

狗地坐車車時,咪咪偷偷地同狗地影架.

呢個係PetMax既門口

我同meko家姐一齊係DOL合照

3姊妹一齊影囉.

呢樹仲有車車借比狗狗坐架.

坐得型唔型呀.

咪咪話要同狗地影番張大頭照喎.

出面仲有一片空地可以比狗狗跑架.你睇下我地跑得幾開心.