第3隻Paddington Bear就係"雨褸熊"啦...佢都係已經換左成個星期啦......
同其他家人影番張合照先.....
要快d儲埋其他個d呀....
2008年4月27日 星期日
2008年4月26日 星期六
My 2nd Paddington Bear @26/4/08
呢隻就係我第2隻Paddington Bear "古著熊"呀....其實已經換左成個星期,不過本人比較懶,所以到今日先"的"起心肝寫寫囉.....
2008年4月21日 星期一
怕我的"樂樂豬" @21/4/08
呢樹係我契大佬屋企,咁呢個小朋友就當然係佢架啦.
佢叫樂樂,哎呀!唔知幾大個tim,不過應該大過puzzle既.
上星期三,契大佬車老公返屋企,佢帶埋樂樂黎呀,我梗係好開心啦,未係屋企樓下等佢地返黎囉,因為咁耐以黎我都未見過佢架.滿心歡喜得佢地返黎,諗住可以抱下佢啦,點知佢一見到我,屎到唔肯行黎我身邊比我抱,就算佢老豆推佢去我樹,佢都即刻九秒九返去老豆到喎,當時既心情真係好down呀,問返老公,樂樂豬有無咁對佢,佢話無喎,仲好熱情tim.
個晚幫佢約左天使星期四去幫佢剪毛,佢一見天使又係好似對我咁對佢bor,唔通佢怕"女性"既,無理由呀,平時佢都係佢咪咪照顧佢架,係契大佬有時間先會湊佢返屋企渡假架bor.
呢d相係天使同佢剪完毛,星期六老公去契大佬既屋企影架.
其實佢真係幾得意呀,我只係睇d相都已經想打劫佢返去我屋企呀.
樂樂豬,下次見到我唔好咁驚啦.
2008年4月20日 星期日
2008年4月19日 星期六
My 1st Paddington Bear @18/4/08
終於換到第一隻bear bear啦,就係"迷彩熊"啦,不過呢幾日我去7-11間間都話換哂,所以我叫左個同學仔幫我換囉,因為佢係TUNG CHUNG返工,呢隻都係佢幫我換架,見佢換完,我又將其餘既印花比埋佢,等佢幫我換囉,星期一返學又可以帶埋第二隻返屋企啦.
Tracy,真係唔該哂你呀!!!
2008年4月14日 星期一
2008年4月10日 星期四
等到喇~~~加加加 @10/4/08
我係一間非弁利既公司樹做,年年都要簽contract,係3月頭既時候上一份既contract已經完左,而上司又一直搵唔到老細傾續約既問題,一直拖到今日,終於有好消息喇.
今年完左第二年加左1x%,連annual leave都加多左一日呀,真係好開心呀.
係呢間公司個人工同title都好似坐直昇機咁,希望以後都係咁就好喇.
2008年4月9日 星期三
08/09 之目標 @9/4/08
見人地寫左一篇預算案,見到又心旭旭想寫番個,不過我呢篇就唔係咩預算案,只係比自己一個目標.點解?未就係我份人無耐力,每次做親既野都係天一半,地一半,出左黎之後,唯一做得耐既野就係返學.
1) 讀書
以前: 唔生性,讀書時期成日掛住玩,根本就無努力過,到左依家,已經返左夜校第6年,識我既朋友都知道,我係一個非常懶既人,走堂不特止,功課永遠都係抄人,測驗係唔會溫書,次次都唔pass,到考試先臨時抱佛腳,次次一考完,讀過咩都唔記得.
今年: 呢個學期仲有兩科,5月尾6月頭就會考試,今次考試唔可以比任何一科肥佬. 正常9月開學仲有3科要讀,呢3科都要比心機,要比人地努力,讀完就可以將興趣班慢慢完成佢.
2) 儲錢
以前: 老豆係我細個既時候比左好多物質享受我,自從兩老離左婚之後,我就一個獨力承擔屋企所有費用,其實真係好辛苦,一直以來無多餘既錢留番比自己.我係一個有錢身痕既人,就算有,所有錢都唔知會使左去邊,亦曾經夠膽死,一日用哂一個月既人工,因為唔開心.
今年: 希望能夠將人工既10%儲起佢,雖然唔多,都希望可以開始.
3) 興趣班,樣樣都開左個頭,希望快d完成佢
今年: 1) 學攝影 (買左40d,不過都未識用,希望診summer holiday學識基本功)
2) 學剪毛 (上年年尾上左一堂基本班,都未有時間可以想埋餘下既堂,希望最遲今年年尾可以上到第一堂剪毛堂.)
3) 學鋼琴 (兩年前開始,學左一年鋼琴,學到一級,不過養左puzzle之後就停左,希望讀哂書之後可以完成埋佢,不過起碼要下年先開始到.)
4) 學車 (呢樣由未結婚已經想做,點知到想學既時候,老公又將我架至愛"維他命"劏左,到宜家有架大壩,成日都好想快d去學,可惜既係真係無時間呀.)
我都知道自己份人無咩恆心,希望出年睇番呢篇野既時候,起碼有50%既野能夠完成.
2008年4月5日 星期六
勇闖獅子會 @4/4/08
今日係兒童節,本來咪咪諗定要同我去南丫島既.....不過爸爸話落完幾日雨,叫咪咪唔好去喎...費時佢論論盡盡.....
咁就同契媽轉地點啦...咪咪話既然我地一家都未去過獅子會,所以今日我地就向目的地進法啦....
一早...婆婆就黎左我地屋企...等埋爸爸起身...就去mos接豆豆同契媽....跟住就去sai kung食過lunch....食完之後一行4人3狗就去獅子會啦...
一去到...我地已經跑得好開心呀...你睇下下我同哥哥一前一後跑得幾開心呀...
哥哥同我一齊做d高難度動作....
見到個一空地...我地一於入去跑下...你睇下...我同哥哥跑得幾癲.....
同埋豆豆一齊跑跑跑.....
當然唔少得影番張合照啦....
返到屋企...咪咪見咁好天...所以佢地同左我地行左一個鐘頭....仲有哥哥今日第一次放繩自由行呀...
行完就返屋企洗腳腳,洗完腳腳就瞓到成隻死豬lu.
2008年4月3日 星期四
ToFu Cheese Cake @2/4/08
之前同事提起....有無興趣一齊去學整cake....一聽到當然有興趣啦....所以都第一時間報名....
今日有6位同事同我一齊去學整cake呀+1位同事既囡囡,total 8個人,咁多人當然自己包堂啦....
今日整既係豆腐芝士凍餅....原來都好易整架....下次可以係屋企自己整呀...
呢個就係我既製成品呀.....
大家都覺得好好反呀....仲話下次約埋再去過呀...
2008年4月2日 星期三
訂閱：
意見 (Atom)