餅模 @29/11/07

噚晚約左d老友記出去食飯,傾埋大project既細節,係未夠鐘既時候,梗係shopping啦,見自己去完沙田既citysuper無咩收鑊,所以今次就去TST既citysuper,tst真係好行過shatin架,d整餅既用品仲好多tim,今次終於無空手而回啦.

買左一set餅模,希望有時間可以整比兩個寶貝食啦.

月曆wallpapaer @29/11/07

見到d blog友整左d wallpaper好令架,自己都整下啦,嘩,今次呢個software好簡單架,一試就整到,真係多謝哂blog友既share呀.

打敗仗 @29/11/07

次次轉天氣,都好鬼死無用架,今日又試病左啦,所以又乘機請下病假囉,今完d藥都幾吽下架.

各位朋友仔,天氣轉涼啦,記住穿多件衫呀.唔好學我呀.

今日滴了Frontline Plus @ 27/11/07

 

Puzzle & Circle 今日滴了Frontline Plus.

壽宴 @25/11/07

噚日提過,今日係老爺生日飯既大日子,所以今日特別早起,同佢慶一慶麻.

首先7點幾起身,搞掂我兩個寶貝之後,就揸車出左九龍,接啊婆入o黎飲荼,因為老公係啊婆既心肝,呢個重任梗係要佢做啦...跟住接埋啊詩同佢老公(老公個表妹),就回程返去大埔啦.

返到去,放低佢地之後,我地又揸左架車去上水,因為老公隻手痛呀,要去睇下醫生,咁我又要跟住去啦,因為要幫佢睇住架車,睇完醫生之後,我地先返去飲茶.每次飲荼既時候,佢定一定會講番佢地細個既童年,咁就一定會講我老公架,因為佢實在太唔乖啦,我估佢地既家族佢認第二,無人認第一.而家佢地講番都會笑到肚痛架.

飲完荼,我地又去左fanling,因為要拎部電腦比朋友整呀.

跟住又番tai po,因為要想辦法擺低肥婷呀,我地仲要出九龍,帶埋佢,我湊唔掂呀,我地襯佢好沉迷打機既時候偷偷咁走左lu.

去完九龍,就返去食飯啦,因為奶奶佢地唔想人地哂錢,所以無去酒樓擺大壽呀,只係叫左幾個親戚返來一齊食,呢餐飯就由奶奶煮啦.

食完飯之後我地就切蛋糕啦,呢個cake都幾令架,上面有枝人參,不過我地一打開既時候,仲以為有條鮋魚係上面tim呀.

肥左 @25/11/07

今日因為哥哥去打針針,所以我都有幸跟住出街,本來咪咪話唔帶我去架,好在爸爸話帶埋我咋,如果唔係實係係home吽啦.

一去到,爸爸見悶,就同我去磅下囉,點知一上磅...6.2kg呀...嘩...重左好多呀,重比咪咪話我係肥婆tim....

睇完醫生我地就返屋企lu.

加強針 @25/11/07

今日係我去打加強針既日子,爸爸好耐都無試過同狗地去睇醫生啦,點解佢今日會同我一齊去既,未就係我唔可以坐公車,依家咪咪唔再係tai po同我睇vet,所以要叫埋爸爸車我出去Dr. Tint度囉.

一去到,首先梗係上磅啦,嘩!!!重左喎......有成6.4kg呀,唔通妹妹o黎左狗地開心,食多左,而肥左..

入到去見dr.tint,佢話地狗樣樣野都好,不過耳仔就有少少感染囉,要即刻同我滴支藥水,兩星期後再返去覆診.

 

宵夜 @24/11/07

由於個雪櫃有太多蟹係樹啦當然唔等得啦,見今晚咁夜都未瞓,就叫老公蒸左兩隻蟹嘆吓啦.

蒸完都成夜晚12點幾lu,而肥婷一知道有野食就即刻埋位,實行唔執輸,咁就全程由老公服侍我同肥婷食蟹蟹啦.

電腦壞了 @24/11/07

今日返到屋企玩完電腦之後,打算DOWNLOAD一啲GAME O黎玩下,因為有新GAME出左麻,點知一DWONLOAD完無幾耐,個電腦突然屎左啦,搞到明天要拎去比人整呀,無左電腦既日子,真係慘呀,電腦你快D好返快O黎啦.

收貨啦 @24/11/07

明天是老爺生日食飯既大日子,所以今次老公order左一籮大閘蟹大宴親朋,你度有成40隻蟹架(total68隻,個bal share左比佢老細),個雪櫃從未試過咁壯觀,明天佢地就會係哂我個肚入面,而家諗起都興奮呀.

Japanese Cheese Cake @22/11/07

星期日參加完B-Day Party之後,就對charlie ma整既cake念念不忘,因為o個日太飽,食得太少,唔夠喉呀.好在呢個老友記第一時間比左份recipe我,今日又早放工,所以試一試整.

返到屋企洗完地(個個星期都係咁),跟住就睇下屋企無咩材料,再去百佳到入貨,買好哂野之後,就第一時間開工啦.

呢d係個cake既材料(其中一部份): -

Cream Cheese

牛奶

無鹽牛油

低根麵粉

今次打個蛋白打得好成功

呢個就係制成品

今次係我第一次無他人陪同下,嘗試整一個cake,話難唔難,話易唔易,好在carlie ma比左個定心丸我,就係唔明可以打比佢,所以整既時候都覺得順暢d呀.

 

逃學 @21/11/07

今日老公一早打比我,話今晚要陪老細(即係我契大佬)上大6睇廠,其實已經叫過佢好多次架啦,次次都推左,因為有d野老公想自己跟番,咁唯有上去囉.

我一聽到不過幾咁唔開心呀,其實我係好憎老公上大6,都唔知點解,可能上面d野實在太dirty啦,咁樣上去,又肯定唔水瞓,次次上完大6返o黎都瞓到死豬咁. 但係都無辦法啦,我第一時間諗起既野就係,今晚邊個照顧兩個大帝呀....放學返到去先做,做屎我喎.

即刻打比媽咪,問佢去唔去我樹,佢當然話去啦,不過佢叫我放工上左佢屋企食左飯先,跟住再一齊坐車返去,當然無問題,今日食完飯都係6:30咋,好耐未過咁早有住家飯食.

一食完飯就走lu,因為咁夜都未返,啊大少肯定又搞到好dirty架啦,一返到去,都算ok,果然乖仔,啊女就唔使講啦,佢日日都係咁乖既,係我地返到去唔理佢既話,就會用奪命煩音向我地示威,就係un un聲啦,佢鬼死煩架.

搞掂哂佢地之後,就即刻叫媽咪煲西洋菜蜜比我飲,真係好好味架,仲要臨瞓前都要飲左一杯.就係咁我今日就無返學,咁樣又過左一晚啦.

Charlie & Charlie Ma's B-Day Party @18/11/07

承蒙charlie ma既邀請,有幸於今日參加charle公主既生日會,狗地一家都覺得十分榮幸.

 

今日一早,咪咪同爺爺嫲嫲去飲早荼,跟住就返o黎同我地執呢樣執o個樣,我同哥哥梗係興奮到暈啦,今次連姑姐&表姐都同埋我地一齊去彭福公園玩tim,真係未出發,先興奮.

 

爸爸攞左車車之後,就上屋企接我地,咁我地就出發啦,首先第一站當然係接契爺,契媽&豆豆家姐,跟住再去油站入油油,跟住就向目的地進發,一去到,已經見到好多狗狗LU,仲多過上次我地O黎既時候,可能天氣涼左好多啦.

 

我地去到行左一陣,就見到whitely & 囡囡啦,不過主腳charlie同charlie ma 就未到,我地都唔理咁多,自己去反住先lu,等左一陣,d朋友仔就陸陸續續咁到,今日參與既朋友有我同哥哥,豆豆家姐,芝士,gordon sir,樂樂,囡囡,小吉,糖糖,coco, minnie, mickey, 仲有兩個小朋友唔記得咩名tim,真係唔巧意思啦.

 

Charlie ma一到,就比左d禮物比我地,好令架,如來我地d相係咁用,就係月曆card啦,真係好有心思呀,今次係我地d小朋友有大餐食先,我地食哂之後,先到d大人開餐呀,不過佢地開餐既時候,我同哥哥都比爸爸上左繩繩呀,無得自由行真慘.

 

 

咪咪竟然無幫狗地同哥哥影相相,真係想屎呀.

食完野之後,我地就反到閂門既時候先走,今日真係玩得好開心呀,返到屋企洗完白白,我同哥哥好早就跟爸爸同咪咪入房覺覺豬lu.

防蝨金牌 @18/11/07

 

噚日買左兩個金牌返o黎比佢地用,今日開左啦,18個月要換啦,希望記得啦.

Shopping (PART II) @17/11/07

早幾日咪咪買左個新toilet比我,因為佢打算唔用籠,用圍欄,所以買定佢返o黎比我實習下先.咁佢今日同哎呀老母shopping既時侯,竟買左尿片,狗帶&防蝨金牌,咪咪話計埋哥哥o個d野,佢今個月已經破左產啦.

呢個新toilet我都未用過,不過哥哥就已經用左lu>

Shopping (PART I) @17/11/07

今日咪咪同哎呀老母去shopping,本來只係打算買防蝨金牌&heargard既,點知去到又買到破產,呢d就係咪咪買比我既,另外妹妹都有架,你地睇下佢個blog啦.

Aaron Kwok 演唱會 @17/11/07

今日同老公一家去睇演唱會,點解?事關買左飛有剩,所以佢家姐就叫埋我同老公去啦,起初都唔係咁想去,不過難得老公肯同我去,咁未跟住去囉.

首先我地出到去就去食晚飯先,一出到去,就見到有d公仔幾令,咁就同肥婷影左幾張啦.

跟住就去餐廳食野,點知,去左間超級唔好味,態度其差既餐廳,簡直係貴夾唔飽,d野又凍喎,不過唔記得影或幅相比大家睇下.

之後就去睇啦,不過今晚成九點先開始,個show都算幾ok,由於坐得太高(唔使錢係咁架啦),影唔到相,不過有錄video架,大我制post唔到,又唔識cut,所以大家無得睇lu.

再見了~~~Tigger

今日係msn度見到一個唔開心既消息,睇完之後,即刻去blog度睇睇,點知真係出左事,仲走埋tim. 呢個消息真係太突然,有d唔敢相信,但耐可已經發生左,希望tigger你係彩虹橋快快樂樂.

丁丁唔知講咩去安慰你,anyway你要保重身體呀!!!

 

 

床墊 @13/11/07

咪咪見天氣開始涼涼地,係上個星期佢己經開左張床墊出o黎比我同哥哥玩到攰既時候瞓下.

 

Puzzle & Circle 今日食了Heartgard @11/11/07

 

Puzzle & Circle 今日食了Heartgard.

第80 & 81屆全犬種冠軍展暨寵物用品展銷嘉年華 @10/11/07

今日一早起身,搞掂哂d野之後,就出左kln bay,一去到就見到德褔廣場有d好令既報置,你地睇下,如果可以帶埋puzzle & circle同佢地一齊影相相就好囉.

跟住我地就去食早餐,食完早餐,我地就去狗展啦,不過今次既參展商真係好少,所以大家唔去都唔會覺得有什麼損失.

今日我就係買左咁多野啦.

仲有Pet Max會係12月一日開幕,今日仲同兩個申請埋張member card,到時就可以帶埋佢地去玩啦.

指定動作 @8/11/07

每日我地食糧糧之前都要做呢個指定動作,今日難得狗地同哥哥都好一致,就係咁比咪咪錄低左啦.

我地要比哂手手,聽到爸爸叫go先可以食架.

李楊聯婚相片篇 @8/11/07

話說上次我去飲大頭蝦,帶左相機無帶card,諗住無得show d相比大家睇之際,剛剛又收到老公best friend既相喎,所以同大家分享下囉.

呢個就係佢地進場既方式啦,我都係第一次見,幾特別架.

呢d就係佢地送比d來賓既,全部都係潤唇膏.

錦田鄉村俱樂部相片篇 @4/11/07

今日有個姐姐陪d公公婆婆出o黎反,佢見我地得意,又同我地影左幾幅相,咪咪噚晚收到,都幾令架,大家欣賞下啦.

因為咪咪佢地bbq,所以要用圍欄,依家等緊契媽比蕃薯我地食呀.

豆豆,你好令女呀.

呢個係咪咪舊同事既寶貝,佢叫toby,不過佢好驚狗地架,可能我太熱情啦.

toby,呢張相好眼瞓喎.

 

錦田鄉村俱樂部 @4/11/07

今日爸爸同咪咪都放假,係好難得既日子,所以咪咪一早就約左契媽今日帶狗地去反,目的地係錦田鄉村俱樂部.

今日咪咪一早起身,唔知點解無比早餐狗地食喎,佢將d袋袋入住d糧糧,古古怪怪咁,跟住又拎哂d狗帶出o黎,唔知想點,等到爸爸都起埋身,咪咪先至同狗地裝身,狗地同哥哥先知咩事,原來今日有得去wet.

一落到街,咪咪同爸爸就食個早餐先,將狗地同哥哥擺係車車樹,食完野之後,就去接新朋友仔toby啦,佢係一隻好怕羞既狗狗,一上到車,就比哥哥嚇到屎,你知啦,哥哥有幾咁熱情,接完toby,就係車站接埋契媽一家,跟住就向目的地進發.

一去到,個樹有一個好大既草地,狗地同哥哥都好鐘意呀,我地反左一陣,d大人就bb蕉啦,而狗地同哥哥就要用圍欄困住,因為哥哥唔乖,咪咪叫狗地一齊入去陪佢喎.

佢地燒左好多個鐘呀,咪咪同爸爸就耐不耐帶我地出去行下.到佢地燒完之後,我地就揸車返屋企lu.

返到屋企,契媽就同狗地&哥哥剪毛毛,搞掂哂食埋飯,契媽佢地就走lu.

佢地走左之後,狗地同哥哥就瞓到死豬lu.

 

肥婷生日 @3/11/07

今日係我地個寶貝肥婷生日,我一放學,就返屋企搵呢臭豬,等埋老公返o黎,我地就出發去bbq啦.

一去到肥婷見到人玩煙花,佢又要玩,咁佢既大舅父就即刻買比佢玩,佢玩得不知幾咁開心.燒完野食,就食蛋糕,食埋蛋糕返到屋企都11點幾lu.