今日難得爸爸放假,點知又係唔好天,我同妹妹都已經知道無得去街街架啦.到左下午,爸爸突然同咪咪講帶埋狗地去遊車河,咁我地就出門口啦.
落到街,都仲好天,咁我地就陪爸爸去攞車啦,一上車無幾耐就開始落雨,架車d水潑就開始開工啦,我就由佢開工吠到收工呀.
做哂野之後,狗地一家本來諗住返屋企,點知又call到豆豆喎,咁爸爸就問佢地去唔去西貢啦,點知d貪反既咪咪當然一口就應承我地啦.咁我地就去接豆豆啦,你睇下佢同我反得幾開心.
我地去到西貢既時候都仲好好天架,咁我地就行左都幾耐下,先落雨咋.
行完之後,就落起大雨,咁d大人就去食飯先囉,食完飯仲要食埋點品呀.之後我地就返屋企洗黑黑,洗完黑黑之後,我地就同爸爸咪咪一齊覺覺豬啦.
多謝陳波波 (tag)中我
遊戲規則如下：
A. 必須點名至少 8 個人，要用盡辦法通知各人參與這個遊戲，人數不夠的話就少點，2 個以上就行。
B. 被點名的人不可重複被點，每個人只可玩一次。
C. 回答問題當中時，需自行刪除一個不喜歡的問題，更換一個新的問題，然後點名其 他人來玩，如此延續這個遊戲。
D. 答案需在各自的 Blog 內公佈。
1：得閒無事做什麼?
睇電視
2：如果有機會可以讓你重回一個時間，你會選擇回到那個時間？
童年時爸媽未離婚既日子
3：你最想要”叮噹”那一樣法寶？
時光機
4：你在別人眼中是怎樣的人？
直腸直肚,得罪人多的人
5：如果唔駛上學 /上班你會怎樣過？
係屋企休息
6：你最欣賞的電影？
好多喎l
7：你覺得那一件事係令你最難忘？
就係爸媽離婚的時候
8：這輩子最想去的地方？
可以忘記煩腦既地方
9：小時志願係？
沒有想過
10：最愛的食物？
阿媽煮既餸菜
11：最愛的顏色？
粉紅色,紫色
2：最愛的休閒？
睇電視、雜誌、
13：當你遇見一個想結識的人會說什麼？
Hi!
14：最愛的人？
爸媽
15：最愛的口頭蟬？
NO !!
16：最愛的小動作？
沒有留意
17：最愛的季節？
秋天
18：你最最最不喜歡做/面對, 但係又一定做的事？
同老細食飯、應酬
19：最愛的歌？
好多呀,好聽的都鐘意
20：最愛的節日？
聖誕節
21：最了解我的人？
自己
22：愛的定義？
包容、付出
23：心中的目標？
有自己健康快樂既家
24：尊敬的人？
爸媽
25：有什麼你最想擁有？
一個愛錫我既好老公
26：當你好沮喪的時候，你會選擇做什麼？
喊、唔見任何人
27：如果你有一個可以成真的愿望，你會選擇要什麼？
自己、家人和朋友健康無病痛
28：如果你知道明天是世界末日，你會做什麼？
陪住爸媽
29：做你心上人要什麼條件？
愛錫和珍惜我
30：哪一些人最令你討厭？
無禮貌和自大既人
TAG LIST :
今日喺朋友仔畢畢開生日會嘅大日子. 咪咪一收工返o黎就好快咁帶左我同妹妹出去wet啦.
一落到街,已經見到豆豉,happy 同 cahi cahi啦,咁我地就上車車向目的地西貢出發.
去到既時候,主角畢畢,豆豆,momo, jojo已經到左啦,咪咪佢地就即刻足左我同妹妹影相相囉.
跟住連 "汪汪", Hotdog & 亞比, 巨 mo & Meko, 嘉嘉, Whitley, 歡歡..陸陸續續到啦.
Meko 同 Circle 既合照
d大人食完野之後就到狗地食野,d野食全部都係d ee自己整架,不過咪咪無鬼用無影到相相,但係我同妹妹就食到咀舔舔呀.
返到屋企我同妹妹都好累啦,而咪咪就覺得呢個牌牌好令呀.佢話要收埋留念呀.
今個星期已經開左學啦,難得今晚唔使返學(一星期都係得星期四唔使返咋),咁未申請早走一個鐘,自己休息下,同埋照顧下我兩個大帝.
返到屋企又要煲中藥比自己飲,又幫我朋友仔整佢生日既食物(星期六用),又想洗地洗衫,點知返到去唔夠一個鐘,就收到電話話我老公既婆婆唔c服,仲講到好鬼誇張話自己唔得,咁我未拿拿聲停止哂所有野,出去廣華睇佢囉,好在今日老公揸車返工,佢又剛剛返到屋企留下,咁我地又出番九龍囉.
去到見到啊婆個樣真係有d心痛,佢好驚,成個人震哂,又話個心臟痛喎,咁姑娘就帶左佢入去照呢樣,照o個樣,跟住就上樓留醫啦,到醫生o黎同佢檢查既時候,醫生竟然同我地講,呢個婆婆無咩野既,只不過係扭計喎,真係比佢激屎.
今日收到一個唔開心既消息,係我奶奶對面o個家人好好架,點知佢老公係半夜突然唔c服,咁就打999啦,點知都係救唔番呀.
一早,咪咪整哂所有野之後,就同狗地帶呢樣,帶o個樣,原來今日咪咪帶狗地去cafe玩呀,一夠鐘,咪咪就帶左狗地落街去toilet,跟住就on 居居咁係樹等,都唔知等咩,哦!!原來等波仔o黎接我地呀,一上車,我地就向住旺角出發啦.
一去到,己經有好多朋友仔到左啦,有豆豆,meko,biru,歡歡,畢畢,波仔,toby,豆豉,樂樂,minnie,whitley...
今日係狗地第一次出去玩呀,一去到契爺就同狗地影左幾張令相,係同兩個家姐一齊影架,d大人就首先食野先,咁我地就自己玩囉,meko家姐真係好活躍架,成場跑,佢仲同minnie玩得好開心咁,狗地睇到都覺得好開心呀.
我好鐘意搵契爺架!!!
我同家姐合照,不過佢坐唔定架.
跟住就到我地d小朋友食野,個個都食到好飽呀.
跟住d大人就話一齊食晚飯,不過食飯前就去左西貢玩一陣,由於狗地帶左狗帶唔係幾肯行,所以契爺就放狗地自由行呀,狗地好叻女,全程跟住佢地,無走失架.玩完之後,d大人就去左食飯,今日好好架,我地個個都可以同d豆咪一齊坐係冷氣地方食飯,真係要多謝歡歡咪咪既介紹呀.
我第一次自由行呀
我地幾為食.
早兩日,狗地已經開始無咩心機,見到咪咪又唔會熱烈歡迎佢,又唔同妹妹反玩具,咪咪都唔覺狗地有d咩事.
點知今朝,咪咪如常問我,究竟邊樹唔c服呀,要話比咪咪知,我當然無理佢啦,跟住咪咪就打算抱起我安慰下我啦,點知一抱我就慘叫,嚇到咪咪死死下,跟住我又係sofa跳落o黎既時候又慘叫左一聲,咪咪先知道我真係有事呀,不過佢檢查過我既手腳,我又無慘叫喎,跟住佢就返工囉.
返到公司,佢又認唔住,打去d ee到問下,咁個個ee都話睇左醫生會好d喎,咁佢就做哂d野返o黎,帶左狗地睇醫生囉.去到醫生樹檢查完,又check唔到d咩喎,咁醫生就話要做x-ray,不過要咪咪等差不多一個鐘睇report,睇完之後就話因為狗地成日都鐘意跳,咁好容易會扭親架,今次應該係咁啦.醫生就開左兩星期既藥藥比我,又要咪咪限制我既活動範圍,唉!都唔知先可以正常番呀.
今日本來咪咪約左朋友仔,toby & 波仔去游水水,點知咪咪調唔到假,咁就無得去啦!!
不過咪咪就約左豆豆返o黎整cookie & 鬆餅比我地食呀.
今朝佢一早返工,一放工就返o黎太和站等契爺,契媽&豆豆家姐,d大人食完lunch就去左百佳買野,買完野之後就返屋企整啦.
咪咪返到o黎既時候我見到豆豆不知幾咁開心呀,仲大戰左好多個回合,不過我就成日比佢鬧囉.因為我成日聞佢個pat pat呀.
d大人就開始整cookie先,你地睇下.
未人焗爐前,我同豆豆見到都留哂口水呀. 
焗完後 
跟住就整鬆餅.
焗完之後,d大人就焗左個朱古力cake比自己食,不過就衰左,下次佢地話要再try下喎,希望下次成功啦.
今日我同豆豆玩得好開心呀.
