3/31/2007

本來今日係好好既一天,豆豆放假,表姐仲留係樹陪狗地反,點知表姐一早就比豆豆帶左去睇醫生,醫生仲話表姐咩氣管敏感,唔準接觸動物,包括狗地...唉!!!咁豆豆一返嚟,狗地都無做錯任何事,就比佢困左係廚房真慘呀!!!依家要等表姐走左,狗地先可以出返嚟自由行呀....

3/27/2007

今日豆咪放工,就約埋一齊去狗鋪,原來咪咪睇中左個妹妹比狗地,就帶埋豆豆去睇,點知豆豆一睇就勁鐘意喎,因為佢好嗲喎....不過狗地既豆咪係精明既消費者,佢地話諗下先喎....

3/19/2007 318 莎莎生日聯歡會 完結編

一早,咪咪就比狗地嘈醒左,因為狗地又唔乖,咬牆紙囉...搞到咪咪一早又做家務...不過佢好似好樂意喎...  跟住咪咪就將狗地要用既野放係個包包度,話一陣去街街有用喎....

原來咪咪約左tiger同vigor一齊坐車車,咁狗地係大埔上左車,跟住就去粉嶺接佢地,再入上水...不過原來好遠架...個傻司機仲要應該收少左錢tim...

去到已經見到kanji,pepper,仲有其他狗地到左...跟住豆豆都嚟埋,個個都陸續嚟啦,好開心呀,有d之前已經見過,仲有好多未見過既新朋友...

ee話狗地乖呀!!!

豆豆,我地準備摔交呀...

個個都差不多準時到齊,不過影相個哥哥落錯車,搞到成班狗地等佢,不過好在無搞亂狗地既schedule呀...影完大合照之後就開始玩遊戲,不過咪咪只係報左一個遊戲,搞到狗地鬼死咁悶呀....

hotdog,你有咩想同狗地講呀...

老婆仔,你好令呀,唔好話狗地唔理你呀...

玩完一部份既遊戲,就到各豆咪同狗地食野既時候,d野食真係好好食架...咪咪仲好有心機咁喂狗地同老婆仔食...咪咪鍚哂你呀....

跟住再玩埋餘下既遊戲次後,就到頒獎既時候,雖然狗地有參加一個遊戲,不過狗地無攞獎呀,好在豆豆咪咪為左各狗地著想,好辛苦咁攞左好多野比我地,包括狗糧,零食玩具等,個個小朋友攞完獎品後,就各自歸家啦....

狗地既戰利品...

3/18/2007 318 莎莎生日聯歡會 前奏

咪咪由上個星期日到噚晚已經同狗地講今日去318 莎莎生日聯歡會喎,叫狗地乖乖,唔巧激佢喎,其實成個星期狗地都好乖架,係除左噚晚,狗地見悶悶地,就係半夜咬牆紙咋,不過咪咪未醒,就比佢發現左,佢又一早開吸塵機做啊信,跟住咪咪就瞓唔返,係樹陪狗地直至出門口囉....

據狗地所知今日係老婆仔既生日會,佢係主腳之一呀,不過狗地未買生日禮物比佢,因為狗地問激佢,佢都唔話比狗地知要d咩野喎,狗地仲打算傾家蕩產架麻,唔知佢今日會唔會話比狗地知呢???

3/16/2007

噚晚咪咪好嬲呀,因為個死佬唔返嚟HK,又唔早d通知咪咪,咁星期四,咪咪未返學囉,點知到左晚上9:00既時候個衰佬先打比咪咪同咪咪講,佢今晚唔返嚟啦...聽日先返...咪咪即時勁唔開心...因為如果佢唔返嚟照顧狗地,咪咪一定會上完一半堂走先架麻...搞到狗地d時間亂哂,成10:00先有得食野...真係餓屎狗啦....
咪咪話明明帶狗地返屋企之前講好左,如果咪咪返學,佢去冰樹都好,都要返嚟照顧左狗地先,點知d男人就係咁,承諾左既野永遠都唔記得...搞到噚晚咪咪係咁同狗地講:你係男仔嚟架,應承左咪咪既野一定要做呀....不過狗地都只係應承左咪咪會盡量乖乖,唔激佢咁多咋!!!

3/15/2007

成個星期,咪咪都無同狗地寫過日記,因為除左佢自己心情唔令之外,其他既野,狗地都算乖,只係係個聽痾尿,仲要第高腳,今朝仲比咪咪打到七彩....

318有活動,狗地希望好天啦,唔好次次出親去都變左隻泥鴨啦....

3/11/2007

噚晚咪咪同狗地講,一天光就叫佢起身,因為今日有街去,點知噚晚表姐上左嚟我樹瞓,由於佢太驚我,搞到狗地噚晚要瞓廚房,都叫唔到咪咪起身呀...

豆咪一早食完早餐,就CALL車帶狗地去元朗,因為今日係YUEN LONG有FUCTION呀...不過因為表姐既關係,同埋司機叔叔成碌"KWOK"咁,搞到狗地遲到...

一去到,差不多個個都到齊,跟住再等埋COCO一家&寶寶一家,就開始大人既PARTY,因為佢地要醫飽肚,跟住先論到狗地呀...今次無上次咁混亂,因為豆豉MA有左上次既經驗,分好哂一份份比狗地,真係好開心架,因為個個都唔會留,實有得食呀...

食完野就分組比賽,不過狗地O個組,好似全部都輸哂喎...比完賽,抽完獎,由於各位豆咪話想落雨,所以個個都走啦,狗地都唔例外,仲跟埋MINNIE架車TIM..真係唔該哂MINNIE豆咪呀.....

3/9/2007

今日係咪咪既生日,狗地係呢樹要同咪咪講聲生日快樂!!!   今次係第一次同咪咪過,真開心呀!!!

今朝一早,咪咪就同狗地講,比個birthday kiss佢,咁狗地先知道原來今日係佢大日子,不過狗地錫完佢之後,佢有返左工,得返狗地一個係屋企,但係狗地好乖乖呀,無搞d藝術比咪咪做生日禮物,佢都不知幾開心呀!!!!

仲有要多謝各位ee同咪咪講happy birthday呀!!!

3/7/2007

咪咪頭先買左個玩具返嚟,咁狗地未玩囉,點知玩到去櫃底,你地睇下狗地尋寶既樣...

3/7/2007

話說狗地係一星期之內都應該做左好多次破壞王,足之激嬲左咪咪啦,佢噚晚同薯仔咪咪去行街,好夜先返,咁狗地見佢一返嚟,梗係好開心呀,點知咪咪唔理狗地呀,佢行去邊,咁狗地未行去邊囉,點知咪咪都唔理我,咁我吠佢,佢都無理我呀,好唔開心呀....跟住佢就去左瞓啦....
今早咪咪起身見狗地都無咩週圍尿尿,咁先理返狗地咋,不過狗地今朝嘔,嚇死咪咪呀,好在狗地都肯食野同反,咪咪先無咁擔心咋....

3/6/2007

噚晚狗地又牙癢,咁又搵野返啦,點知比狗地係咪咪個手袋度,搵到一d白色紙紙,咁狗地未起勢咁咬啦...咬到張紙碎屍萬段...今次又嘈醒豆咪啦...都係豆豆醒d,一聽就知狗地係樹咬紙...咁咪咪就即刻係房行出嚟,就見到一地紙碎,原來狗地攞左咪咪既notes咬呀...今次大鑊啦...咪咪今次好嬲,即時困我係房,今朝起身仲唔理我tim,咁我未係個聽liu liu囉,鬼叫佢唔理我呀...跟住咪咪仲嬲,係狗地個pat pat到開花tim....

3/4/2007 4皇1后party

星期六一早, 咪咪就同狗地講,今日係happy, 仔仔&豆豆既生日, 狗地食完早餐,無幾耐,咪咪就執野啦!!!! 原來有街街去,係去carmen ee屋企參加4皇1后party,狗地實在好期待呀!!!

狗地同咪咪去火車站接埋另外一個ee, uncle & 狗朋友,究竟係邊個嚟架,狗地都未見過呀,聽到啲大人話一齊去攞旦榚先,跟住咪咪就去街市買chicken wing,跟住就見到狗袋入面個狗朋友出黎...原來係 豆豆令女 黎架..我地第一次見面咋,我地一齊去 carmen ee 屋企進發..沿途豆豆可以自由行,好正呀!!! 唉,狗地就比咪咪拖實,真係有啲唔開心呀.....

不過,好快就去到carmen ee屋企啦, 狗地既大啊哥Happy同二啊哥仔仔好熱烈歡迎狗地呀,唔知係唔係因為已經見過狗地好幾次,狗地帶埋豆豆嚟佢地都無係咁吠喎...之後狗地就一齊跑上天台玩呀..

狗地開始玩追逐遊戲..又上又落又來又回...又玩摔交tim好開心呀..不過仲有一個朋友仔未到,狗地只有一邊玩就一邊等啦....

carmen ee收到啊波仔開始出發,跟住 3 位咪咪去整野食比我地. 我地緊係跟埋落去啦..點知啲大人話唔準喎. 所以用圍欄圍住條樓梯唔比我地過去呀!!!咁狗地未再上返去同大啊哥同二啊哥返囉....不過豆豆就好乖乖呀,佢企係樓梯口等佢既mame呀....

冇幾耐,就聽到有人入黎. 原來波仔到咗啦.... 不過唔知點解,happy同仔仔立即由天台跑落黎. 一直歡迎波仔上天台. 可能啲歡迎聲音太大聲. 啲豆咪都頂唔順. 要我地收聲呀!!!

狗狗午餐終於整好喇..嘩! 好靚呀,點解咁耐都唔比我地食姐. 原本3位咪咪都好滿意佢地整出黎嘅狗狗食物,要影張相相喎.唉!快啲啦,想餓屎狗咩??? 跟住豆豆papa只有以9秒9既時間影左幾幅,而我個懶咪咪又只係企係度,又唔攞相機,比佢激屎啦!!!

狗地地用好快速咁就消兜,各位豆咪,真係好好味呀!!! 跟住,我地開始玩摔交喇,今日大啊哥同二啊哥對狗地好好呀,一有狗地埋嚟兇我,佢地就第一時間出現,做狗地既G4tim呀,真係好開心呀!!! 同埋happy哥哥應該好鐘意同豆豆玩呀,佢見豆豆一個,佢就行埋去,仲係攞隻手去叫佢一齊玩呀!!!今日大啊哥同二啊哥真係同平時好唔同架,唔通一歲生日,真係大個仔....

狗地大戰好多回合, 已經開始攰喇, 太陽伯伯準備落山嘅時間,啲大人話切蛋榚,吹"立"燭.真係為佢地而開心呀...食完蛋糕無幾耐,豆豆同佢豆咪就走啦,連波仔都走埋,咁狗地梗係留係carmen ee屋企沖涼啦......carmen ee幫狗地沖完涼之後,竟然咪咪幫狗地吹毛毛呀,今次係第一次咋,咪咪好快就同狗地吹完毛毛,狗地真係太攰,就開始坐係樹吊魚呀...仲吊左好多條呀....玩到成十點幾先走,跟住啲大人先去食飯呀...食完飯就返屋企啦...

一返到屋企,狗地就上sofa瞓啦,因為真係實在太攰啦....

3/2/2007

302

 

噚日咪咪放學返到屋企,一返到嚟就數印花,無咩點理狗地就瞓左覺,狗地瞓到半夜又瞓唔著,未起身搵野返囉,醒起咪咪數o個啲印花好得意喎,未攞嚟玩囉,點知2點幾,豆豆起身發現狗地將啲印花咬到碎屍萬段,即刻攞起隻拖鞋係咁打狗地個嘴呀,打到狗地鬼死咁痛,仲慘叫tim,跟住狗地又比人困住啦!! 今朝一早咪咪又要開吸塵機吸地下啦!!! 咪咪就無鬧狗地,不過豆豆好似仲好嬲呀!!!

3/1/2007

301

 

呢兩日咪咪無同狗地寫日記,不過狗地噚晚又有新搞作,咪咪梗係要將狗地既惡行同大家分享喎...

噚晚狗地好早瞓,咁瞓到半夜就起左身喎,無咩0野做,又搵野玩啦,比狗地搵到個control,當然起勢咁咬,原來都好好玩架,不過就嘈醒左咪咪囉,佢即時將個control沒收左,咁狗地咪再搵過第二樣0野囉,唔知點解,有封利是係茶几,狗地當然唔放過啦,不過入面都無錢錢,又無零食,狗地一嬲,咪將佢碎屍萬段,搞到咪咪一起身就要做家務,就係開吸塵機吸地下啦,不過近排咪咪好好脾氣喎,竟然無打狗地,如果咪咪帶狗地去多啲街街,咁就唔會有咁既事發生啦!!!