2/26/2007 226散步記

今日咪咪逃學,話頭痛喎,一放工就死左返嚟屋企啦,不過佢坐左一陣,就叫狗地坐dream car,有街去,好嘢,不過都係落留下散步,但係狗地都好開心呀,沿途狗地都好乖,不過回程既時候,見到隻松鼠,佢係自由行架,一行埋嚟就woo狗地啦,當然狗地都唔弱,責定過碼打算同佢摔交,不過唔夠兩下,佢已經比佢老豆抱走左lu....唔知係唔係以後日日都有得散步呢???

224聚會

星期六去左cindy ee屋企玩,波仔papa4點鐘就嚟左湊狗地去佢屋企,仲join埋carmen ee,一去到波仔佢用最熱情既歡迎方式,迎接狗地,happy & 仔仔,不過狗地就無咩理佢地,首先霸個地盆先,跟住波仔又只係鐘意同仔仔玩,狗地霸左一輪地盆後,就開始加入戰團,原來狗地"摔交"都好犀利架,最細隻係狗地,最鐘意玩"摔交"又係狗地,狗地玩左大約4個鐘就同carmen ee走啦,跟住坐祥叔叔架車返佢地屋企再玩過,不過首先carmen ee要同我地沖哂涼先呀...其實各狗地都已經好累啦,不過狗地都係要同happy & 仔仔一路"摔交"至12點先走,今日真係玩得好足夠架,下個星期六又可以再玩過啦,真係好開心呀!!!

星期六 二月二四日

咪咪今日長週,一早就返左工啦,不過佢同狗地講會一放工就返屋企,跟住同狗地裝身,以後等波波papa屋企接我地去佢樹玩,一陣仲會見到happy & chai chai tim,真開心,好期待呀!!!

Carmen ee 送的車車呀!!!

之前提過有過carmen ee比左架寵物車狗地,今日咪咪都得閒將狗地既相相放止嚟啦!!!

架車車狗地真係好鐘意呀,狗地一有時間就會上去坐下架啦,你地睇下啦!!!

 

 

姑姐買的新衫

姑姐買比狗地既新衫,不過新年天氣熱,狗地都穿唔到呀!!!

星期五 二月 23, 2007

呢兩日豆豆返左大陸,得番咪咪同狗地係屋企,不過,狗地唔乖,成日吠,搞到狗地連咪咪係到都無得自由行,今日狗地無咩點吠,如果唔吠,咪咪先會比狗地自由行架...不過,狗地明明係狗,呢個係狗地既本能,唔吠好難喎,講時講,剛剛又吠左,又比咪咪話啦!!!

第一次逗利是

年初一一早狗地坐住dream car同咪咪一齊去巴士站接婆婆,婆婆仲同埋妹妹一齊入嚟,狗地一見到婆婆,就係咁係架dream car入面嗅婆婆囉,婆婆仲話狗地乖呀,跟住狗地就同婆婆一齊返去狗地屋企啦,返到屋企,狗地用最熱烈既方式歡迎婆婆同妹妹,佢地非常開心呀!!! 跟住婆婆仲比狗地狗生中第一封利是呀!!不過婆婆話入面真係有錢錢,所以唔比狗地玩呀!!! 但係婆婆就用一個新既利是封裝住零食比狗地囉,狗地當然咬住返去比豆豆幫我開啦,咁又有零食食啦,之後豆豆比返個利是封我,狗地都唔要啦,裹面都無嘢囉,搞到婆婆笑得幾開心呀!!!

年三十晚

今日係年三十晚,係狗地狗生中既第一次,不過狗地并沒有週圍去,只係係pet shop逗留左起碼七小時,咁就浪費左狗地既一日時間啦...不過好在事頭婆好好人,次次去到都有零食食架...今日啲零食仲好大條tim.

星期一 二月 12, 2007

今日點解咁夜狗地都未食晚餐...等了又等,原來要等carmen ee返屋企,狗地既糧係ee度,因為ee幫狗地買架....咁豆咪食完飯就帶左狗地去街,狗地平日夜晚係唔會有機會去散步架,點知行下行下,條路咁熟既,原來係去ee屋企啦,好開心呀,可以見到ee,happy & 仔仔哥哥,不過佢兩個好鬼熱情架...係咁追住狗地要同狗地玩....雖然狗地又細粒,又得一個,不過都玩得好開心架.....仲有呀,ee送左架dream car比狗地,好靚架,黃色,第日去wet,狗地都可以坐dream car啦...多謝ee!!!

星期日 二月 10, 2007

今日2007年2月10日星期六,陰天....

今日狗地約左豆豉一齊去做video既主角,咪咪同ee可以一齊做星媽啦...不過可能係第一次亦可能係最後一次,呢啲機會唔係成日有...

今次有機會做主角,狗地同咪咪都係睇在kylie ee份上,佢個同事接左個寵物job,搵左好耐都搵唔到,咁kylie ee就同咪咪講,有無狗狗可以擔任呀,咁咪咪就話puzzle囉.ee話都好呀,不過要咪咪再搵多幾個,跟住豆豉咪咪知道左後,就第1時間將豆豉既靚相交比咪咪,ee就將豆豉地同puzzle比佢個客,kylie ee話佢個客好麻煩架.....所以都搞左成兩個星期到先可以confirm哂所有嘢,真係慢到死...

星期五 二月 09, 2007

噚日咪咪忍唔住,係放工既時候同豆豆講,以後都唔準打狗地打得咁犀利,仲要返到屋企錫番狗地呀...     豆豆雖然唔係好願意,不過返到屋企都照做,仲同狗地講要做個good boy,唔好做個bad boy呀...咁狗地噚晚就好開心,又好乖....無再亂咁咬野lu.

星期四 二月 08, 2007

前晚零晨,咁狗地瞓唔著,咁未搵野玩囉....睇中左豆豆對拖鞋喎....咁未起勢咁咬...不知咬得幾開心喎...不過都比咪咪發現左...咁狗地未死死地返上自己張梳化椅瞓.....直至早上...咪咪起身時都無咩野發生...不過豆豆起身返工,狗地比佢發現左隻拖鞋事件...咁未比佢打到......嗚嗚嗚嗚

噚晚零晨,又係一樣,鬼叫豆豆打得狗地咁犀利,狗地梗係要報覆啦....又係半夜咬佢隻拖鞋...點知又比咪咪發現...都係比咪咪話兩句..咁狗地又好乖瞓返...
今朝,豆豆出門前發現對拖鞋比狗地咬左...佢好大力打狗地呀...打到狗地好慘咁叫,咪咪一入到嚟睇...就話豆豆點解咁大力打狗地呀....豆豆都無理咪咪....跟住就出左去返工啦!!!

咪咪: 死啦,好擔心又好傷心呀!!!...得返PUZZLE一個係屋企...今朝打得咁勁..唔知有無事呀...

星期二 二月 06, 2007

mame今日同薯仔咪咪去行街,初時諗住買見情侶裝比狗地同薯仔,點知無件啱,咁狗地係年初八就無得穿情侶裝呀....不過咪咪就買左條裙比薯仔係party時候穿.....唔知薯仔鐘唔鐘意呢????

“動物醫生 - 豬年迎春大團拜”

2月4日 (星期日)，咪咪去左“動物醫生 - 豬年迎春大團拜”,佢買左以下既衫衫比狗地呀!!! 不過唔知點解,佢買既4件,3件都係紅色喎...

星期日 二月 04, 2007

今日咪咪同豆豆仲約埋sindy表嫂去左shum shui po睇狗地既野,今次咪咪終於唔係大隻講啦,佢買左4件衫比狗地,唔係平野喎,仲有好多玩具同零食,不過咪咪要過幾日先去買相機,依家都唔可以穿住影相相,真係有o的唔開心呀!!!

星期日 二月 04, 2007

狗地既咪咪頭先睇完其他狗地既日記簿,真係發現自己好孤寒,其他狗地既咪咪會買好多衫衫比佢地既仔女.........不過狗地唔乖,咪咪唔係好捨得買好貴既衫比狗地喎,而平o野又睇唔上眼喎,所以要好辛苦先買到件衫衫比狗地呀....同埋佢o的蟲蟲成日咬佢,係購物狂既蟲蟲,等佢仲戒左亂咁買o野咁多年,佢話等狗地乖o的,就會忍不住再次出手喎....到時佢又會比豆豆話架啦,不過咪咪記住要唔好懶狗地呀!!!!

星期六 二月 03, 2007

今日,星期六咪咪要返工(長週),又留底狗地一個係屋企啦,真係好鬼死悶............不過咪咪話一放工就會去旺角朗xx睇狗地既衫衫同埋自己既衫衫喎,希望咪咪今次會買嘢比狗地啦,次次都係得個講字,正一大隻講呀!!!! 仲有呀,咪咪噚晚成晚講話,如果狗地係女仔就好啦,就可以穿好令既裙喎,佢仲係度講,不如狗地都穿下裙,狗地當然唔肯啦,明明係男仔,點解要迫狗地穿裙喎........如果咪咪真係買條裙返o黎咁點算呀,狗地唔想扮女仔呀......