星期三 一月 31, 2007

各位,豆豆無買到狗籠呀,勁開心呀!!!! 不過佢隻腳腳就扎到好似隻豬腳咁囉!!! 今日契爺買左見過年衫比狗地,不過件衫衫好似女仔穿多o的囉!!!佢唔知係唔係記錯左係狗地係女仔,買見紅噹噹比狗地,都唔知佢想點呀!!!

星期三 一月 31, 2007

噚晚狗地唔乖,咬左豆豆條牛仔褲,佢好嬲呀!!! 豆豆話狗地無鬼用呀,仲話要買個籠比狗地呀,咁點算好呀!!! 狗地咁大個都未試個入籠架,今次連咪咪都唔夠膽講o的咩,因為連咪咪都比豆豆鬧呀,話慈母多敗兒喎......... 豆豆今晚就去買啦,點算好呀!!!!

星期三 一月 31, 2007

咪咪剛剛收到新料,豆豆"屈"親隻腳,咁狗地估佢今日都買唔到個籠啦,好開心呀!!! 不過佢整親,狗地就好擔心啦,希望豆豆隻腳快o的無事啦!!!!

星期日 一月 28, 2007

昨天狗地去左旺角既狗cafe,狗地係第一次去,其實咪咪都係第一次去,狗地好乖,我地搭小巴出去,係狗地第一次搭公共汽車呀,全程狗地都無吠過,咪咪都讚狗地呀,不過夜晚狗地就搭的士返屋企,咪咪都係話怕狗地會吠喎,係佢自己細膽就細膽啦,又係度懶狗地,都無品既........

係哥哥幫狗地影架,好靚架.....

星期五 一月 26, 2007

豆豆話咪咪近日發左神經喎,成日帶狗地呢度去O個度去,不過狗地就好開心呀!!! 明天咪咪會帶狗地去旺角,仲係自己一個帶狗地tim,所以豆豆就話呢個世界變囉!!!

咪咪: 你個衰仔,咁話咪咪,係唔係想打pet pet呀!!! 其實係咪咪下個星期一就要返學啦,到時唔知會有幾忙,診得閒帶你去多o的都要投訴,真係唔乖仔.......

星期四 一月 25, 2007

噚日狗地ko左張床床之後,今日豆咪一放工就即刻去買番張床仔比狗地,仲要係一張梳化o黎架,豆豆話呢張梳化幾好,係人做皮,希望狗地唔好再咬喎.

不如大家都欣賞一下.....

星期三 一月 24, 2007

今日狗地做左藝術家呀,不過都係比豆豆打左pat pat幾下,咪咪就死死地氣做清潔,都費鬼事理我. 鬼叫佢夜返呀,狗地梗係要送吓禮比佢啦!!!! 不過今日都好開心,竟然怕狗地既婆婆買左件衫比狗地,係藍色嚟架,雖然唔係好名貴,狗地都好開心,因為婆婆真係好怕狗架,咪咪細個怕,都係由佢教導,所以咪咪以家要學習唔怕狗,咁就帶左狗地返屋企啦!!!

星期一 一月 22, 2007

講返噚晚o的搞笑嘢比大家知先,話說噚日狗地個個都係泥鴨啦,咁豆咪送完佢地返去.咁未帶狗地去沖涼啦,咁狗地既奴隸咪咪未返屋企做清潔啦!! 1個鐘頭後,咁咪咪就嚟接番我,點知佢夠膽死唔記得帶銀包,真係比佢吹漲,好在事頭婆話唔緊要,如果唔係狗地都要扣留係pet shop 啦!!

星期日 一月 21, 2007

狗地今日玩完好累呀,去完沖涼,返到屋企梗係瞓啦,點知比個衰咪咪偷影tim.

星期日 一月 21, 2007

頭先見到豆咪既朋友仔,咁咪咪就問吓佢收養左隻cooker點啦,點知哥哥話佢有病走左啦!!! 好唔開心呀!!!   

隻cooker既身世都幾慘架,佢以前個主人本來都有個錢,有個工人姐姐照顧cooker,住大屋,點知佢既豆咪可能唔係咁好景,咁就由大屋搬細屋,仲無埋個工人姐姐,又比人地投訴佢成日嘈,好無奈之下,佢地決定唔要佢.就將佢放左係pet shop度,點知我既豆豆知道左,就幫手搵o個個新主人,就係頭先個強哥哥啦!!! 哥哥好鐘意狗架,佢屋企有好多狗,因為佢住村屋,所以都有養一啲狗狗看門口,所以哥哥一見到隻cooker,就覺得佢好靚,仲要返到哥哥屋企,隻cooker表現得好開心架,咁狗地諗佢以前既主人肯定對佢唔好,哥哥平時屋企啲狗狗唔可以入去屋入面架,但係隻cooker第一日一返到去,直至佢走o個日,佢都係住係屋入面. 聽講佢係比其他狗狗咬親,根住有細菌入左去個傷口到,就變左食肉菌啦,仲要見到裹面既內臟,咁哥哥就唯有忍痛比佢走囉.狗地聽到都有少少唔開心呀!!!

星期日 一月 21, 2007

今日咪咪好早起身,連豆豆都係,真係少有,佢地一起身就1 2 3 執哂狗地啲嘢出嚟,有將啲嘢放入個袋度,唔知佢地仲咩呢???? 哦,原來帶狗地去街街,豆咪食完嘢就去左屯門啦!!! 原來今日係生日會呀,咪咪已經講左好多次,不過狗地都係唔記得左,真無鬼用. 我地好早就到左啦,其他朋友仔就陸陸續續到啦!!!

狗地第一次既戶外高危動作 

地第一次準備自己行樓梯呀

狗地的收獲

星期六 一月 20, 2007

今日咪咪同狗地講,明天我地一家三口去參加狗地生日會,咁咪咪話都唔知買咩生日禮物喎,咁佢諗左好耐,頭先就去左買4份零食比生日既小朋友喎,你地就好啦,咪咪都未試過買零食比狗地架,咁狗地希望各位會鐘意份禮物啦!!!

星期四 一月 18, 2007

咪咪終於考完試啦,雖然佢好遲先溫書,不過都好似其中一科會一定合格,而另外一方呢...... 就好似無咩信心,佢用左兩日將啲information放哂入佢個豬腦度,諗住實無死喎,點知啊sir出其他嘢,tip錯題,咁點算好呀,如果咪咪要補考,佢又會有幾日唔使理狗地架啦,大家快啲同狗地一齊祈禱,等佢合格啦,佢話唔使高分喎,合格就得啦!!!

由明天開始,狗地同咪咪有一個星期玩,因為佢下星期唔使返學,月尾先返,超開心呀,不過狗地好怕佢只係玩computer唔理我.咁點算好呢,狗地要做啲嘢吸引佢先.

星期二 一月 16, 2007

噚晚豆豆又返左大陸,咁咪咪話比狗地同佢一齊瞓,狗地好開心呀,狗地仲好乖,識得自己上落,去完廁所仲識得返上張床,最開心既係咪咪成晚攬住狗地瞓,咪咪話狗地乖,以後都可以同豆咪一齊瞓呀!!!

星期一 一月 15, 2007

補番1月11日既相相先,因為mame足知識post相啦,唔該哂kanji咪咪呀!!!

狗地診豆豆唔係屋企,一於實行高難度動作.....

星期一 一月 15, 2007

噚日咪咪雖然甩左狗地底,無帶狗地去行山呀!!! 不過咪咪剪完頭髮後都算佢有啲良心,同豆豆一齊帶左狗地去carmen ee屋企坐下,carmen ee係咪咪係網上識既朋友仔,ee又有兩隻莎莎,所以就帶狗地見識下囉,咁噚日去到ee屋企,狗地就成為最受歡迎既狗,所有ee叔叔同埋莎莎哥哥,都好鍾意狗地囉,不過啲莎莎哥哥就好咸濕啦,狗地明明係男仔嚟架,佢地都仲要搞狗地,搞到狗地都不知幾驚呀,跟住狗地梗係搵咪咪幫手啦,之後咪咪同豆豆就抱住狗地直至我地離開ee屋企囉!!!

星期六 一月 13, 2007

噚晚明明聽到嚟緊mame總共放6日假,嘩,好開心呀,每個月都有就好啦!!! 今朝狗地好早起身等mame起身,佢實係係屋企陪狗地啦,點知,mame中午既時候同狗地去散步,原來係帶狗地去沖涼&剪毛,兩個鐘頭後mame嚟接狗地囉!!! 根住返到屋企,mame放底狗地又出左去,激死狗地啦,原來mame約左kanji咪咪一齊去狗展(其實係靚姐姐帶佢去至真),都算佢啦,雖然mame唔係買左好多嘢,不過都算係為左狗地,咁狗地都好開心,mame返嚟仲有零食,好啦,原諒佢一次啦!!

星期四 一月 11, 2007

今晚豆豆返左大陸,得番咪咪同狗地係屋企,勁開心呀!!! 豆豆明晚先返嚟,今晚屋企實行狗地大哂,咪咪話狗地平時得一個係屋企好悶,所以佢地返左嚟,狗地唔係做錯得好嚴重,佢都唔會話我,因為咪咪實在太錫狗地啦!! 仲有咪咪好耐都無同過狗地清潔,平時都係豆豆做架,所以今日特別期待囉!!!

星期三 一月 10, 2007

今個星期日係咪咪第一次自己帶狗地去玩呀!!! 可以識到幾個新朋友仔啦,真係好少有架,今次豆豆就未必會同狗地去tim,咪咪暫時都唔知打咩車車去好呀,搭kcr又怕比人趕落車,除非狗地唔吠啦,如果唔係就會好大鑊啦!! 所以依家咪咪都仲頭痛緊,最衰都係狗地啦,近排一聽到小小聱就係咁吠,都唔乖乖,搞到咪咪咁擔心.

星期三 一月 10, 2007

噚晚,咪咪又幫狗地執到隻牙啦,咪咪估計係一隻大牙,仲要個根好長,好似個勾咁,同以往執到既唔同,依家大大話話都執左十幾隻啦,咪咪真係好犀利呀!!!

星期日 一月 07, 2007

今日天氣好凍,咪咪又放假,咁狗地都係諗住自己一定係屋企啦,無豆豆係到,唔使旨意有街街去架. 點知,頭先咪咪竟然帶狗地去街呀,狗地好開心啦,行下行下,原來今日又要去醫生哥哥到打針針,打完呢支,仲有兩支架,,狗地好叻架,醫生哥哥同靚女姐姐都話狗地好乖呀,等豆豆返嚟等我話比佢知,咪咪唔使同豆豆一齊都會帶狗地去街架.

星期六 一月 06, 2007

hehe, 今日天氣好凍呀,咪咪今日長週,佢一放工就第一時間返屋企,佢話怕狗地凍親喎,要返嚟睇下狗地呀,狗地好乖,無診咪咪返工係屋企做頑皮仔,咁咪咪未比零食狗地食呀,以示獎勵喎!!! 狗地個咪咪傻吓傻吓幫狗地整左個album呀,好開心呀,佢一個電腦白痴都識整喎,狗地以後都唔敢睇小佢啦!!!

星期五 一月 05, 2007

今日咪咪唔使去溫書,同豆豆好早就返到屋企,好開心呀!!!! 天氣開始凍啦,各位哥哥姐姐記得穿多件衫衫呀,如果冷親,就無得去玩啦!!!

星期三 一月 03, 2007

咪咪話趁豆豆唔係到,寫左日記先,如果唔係豆豆又霸住部電腦,搞到狗地無得用啦!!! 狗地噚晚好乖,無周圍大小2便,因為豆咪怕狗地凍親,咁就比哂成個廳狗地瞓,今朝咪咪起身見到狗地,係咁讚狗地good boy, 咁豆咪返工就無將狗地困住係廚房,比狗地係個廳到周圍行,狗地好開心呀,咁耐以來都係第一次咋.

星期二 一月 02, 2007

星期日咪咪帶左狗地去vet度,一去到姐姐就幫我磅重,話狗地有11.3lbs,嘻嘻,重左,咁跟住入去見醫生哥哥,打完瘋狗針後,咁咪咪順便問埋醫生,狗地啲皮膚咩事呀!!點知醫生哥哥同咪咪講,話o個啲皮毛囊蟲,醫生哥哥話趁唔係嚴重,要即刻醫治,咁就即時打多支針,又要日日食藥,又要用醫生哥哥啲藥水沖涼,7天後重要打針針,總共打4支,咪咪聽到不知幾心痛,希望狗地啲皮膚快啲好返,咁就唔使咪咪擔心啦!!!

星期二 一月 02, 2007

今日狗地好乖咁食哂啲狗糧,仲食埋啲藥藥,豆豆仲讚狗地好乖,仲比零食狗地呀!!! 點知豆咪去食飯既時候,狗地嘔嘔呀,嚇到咪咪死呀,不過豆豆話唔怕喎,唉,搞到咪咪都唔知點算呀!!!!