一年半前,同老公搬左出o黎住,佢又要成日返大陸,亦為左克服我怕狗既問題,所以決定買一隻小狗返屋企陪我.
本來有個朋友應承左佢d狗bb出世後,會留一隻比我,點知比人放飛機,當時勁唔開心,之後去過狗場睇狗狗,咁仲嚇死我tim,d狗狗好dirty,仲要4,5個月,都要賣成幾千元,最終都睇唔岩,本住死心不息既心態,再去pet shop cc,點知就比我地睇仲左兩隻,而其中一隻就係puzzle,另一隻女仔d毛好令架,我地都好鐘意,不過puzzle就比較活躍d,由於我係第一次養小動物,所以只可以帶一隻返屋企囉,而呢個幸運兒就係puzzle啦.
仲記得第一晚帶佢返屋企,係我自己去pet shop接佢,首先pet shop既人將佢放係個袋樹,我直情唔敢將個袋貼近自己個身度,因為我當時都好怕,我仲帶住puzzle係bus stop等埋老公返o黎,先一齊返屋企,依家諗起自己都覺得好好笑.仲有,第二日得我一個係屋企對住puzzle,咁就唯有頂硬上,就係咁,我亦開始無咁怕狗lu.
自從puzzle成為我家一份子之後,亦令我既身活多姿多采,係屋企,一見到佢就會成個人開心哂,唔開心,亦可同佢講,佢會好似明咁,陪住我.另一方面,係internet呢個地方因為佢識到好多朋友仔,令自己眼光都闊左好多,有d仲成為好朋友,無所不談tim.
係度我好想多謝puzzle帶左比我好多歡樂,希望我地以後每一個年頭都咁開心.
Puzzle 明天你就成為我家一份子一週年紀念,本來咪咪今日想整d muffin 比你當慶祝,但係我今日要返工,放工又要返學,返到屋企又要同你地沖涼,所以咪咪今晚買d雞柳比你加餸,下次有時間先整其他野比你食呀.
我地養左豆腐後....都開心左好多....好似多左個女咁...好似一個家庭.....
回覆刪除快d買野慶祝啦!!
[版主回覆10/27/2007 12:19:00]如果夠時間就買,不過應該唔夠時間架啦.
我地唔係好似多左個仔/女,我地真係有一仔一女,一家四口仲好開心tim.
媽媽未領養我之前, 都曾經有兩次有人話比狗狗bb佢架, 又係比人放 飛機, 仲係放過兩次添呀! 不過咁都好, 如果吾係我都吾可以同媽媽一齊住, 嘻....
回覆刪除[版主回覆10/27/2007 12:34:00]咁依家幾好呀,你可以個錫你既媽媽.
PUZZLE 媽你好叻女呀！由一個驚狗狗既人變成一個愛狗仲可以照顧兩隻狗狗既好媽媽！加油呀！
回覆刪除[版主回覆10/27/2007 12:33:00]多謝你讚我呀,不過其實我都唔係好叻,有d狗狗我都仲怕架,不過已經好過以前.
呢幾日我仲想養多隻tim,仲比老公話我發神經呀.
有左佢地, 真係無咁悶架~
回覆刪除有時佢地會激死你, 但有時又會令到你好開心好開心~
今集講 Puzzle, Circle 一集幾時播呀 ?
[版主回覆10/27/2007 18:11:00]係簡直唔會悶tim. 都無比佢地激死既,不過就真係令到我好開心囉!!
因為puzzle返o黎一週年紀念,所以今集講佢,至於circle就要等佢一週年啦,應該08年5月先到佢bor.
養咗佢地覺得時間特別快過! charlie 咁就四歲喇!
回覆刪除[版主回覆10/27/2007 23:55:00]係呀,d時間唔知點解過我好快架.
係呀, 有左狗地, 咪咪都開心左, 不過就無左自己時間, 之前咪咪要出去温書, 响屋企有左我温唔入腦tim.你咪咪呢?
回覆刪除[版主回覆10/28/2007 23:58:00]其實都唔係既,安排好d都有自己既時間,我係屋企就算無左佢地我都溫唔到書架.