今日老公一早打比我,話今晚要陪老細(即係我契大佬)上大6睇廠,其實已經叫過佢好多次架啦,次次都推左,因為有d野老公想自己跟番,咁唯有上去囉.
我一聽到不過幾咁唔開心呀,其實我係好憎老公上大6,都唔知點解,可能上面d野實在太dirty啦,咁樣上去,又肯定唔水瞓,次次上完大6返o黎都瞓到死豬咁. 但係都無辦法啦,我第一時間諗起既野就係,今晚邊個照顧兩個大帝呀....放學返到去先做,做屎我喎.
即刻打比媽咪,問佢去唔去我樹,佢當然話去啦,不過佢叫我放工上左佢屋企食左飯先,跟住再一齊坐車返去,當然無問題,今日食完飯都係6:30咋,好耐未過咁早有住家飯食.
一食完飯就走lu,因為咁夜都未返,啊大少肯定又搞到好dirty架啦,一返到去,都算ok,果然乖仔,啊女就唔使講啦,佢日日都係咁乖既,係我地返到去唔理佢既話,就會用奪命煩音向我地示威,就係un un聲啦,佢鬼死煩架.
搞掂哂佢地之後,就即刻叫媽咪煲西洋菜蜜比我飲,真係好好味架,仲要臨瞓前都要飲左一杯.就係咁我今日就無返學,咁樣又過左一晚啦.
哈..你又逃學
回覆刪除[版主回覆11/22/2007 13:29:00]邊樹又呀,我到今日為止都係無返4日咋,已經好過以前好多啦.
haha....你媽咪好好喎，隨傳隨到呀，真係好錫你喎！
回覆刪除[版主回覆11/22/2007 17:22:00]佢咁岩放假咋,如果唔係睬我都傻,不過佢都算鍚我既,起碼佢會記得我生日,但係佢曾經唔記得我個妹生日架.
每日都好掛住佢哋，放工想第一時間返屋企，驚唔知係屋企攪邊科，妳都好有媽咪幫妳手，我亞媽麻麻地鍾意狗
回覆刪除[版主回覆11/22/2007 17:25:00]係呀,我每日都好掛住佢地,不過我差不多日日要返學,呢個重任就已經交左比我老公返去照顧佢地,我啊媽唔係同我住架....我都好想有錢買兩層樓,咁就大家就可以住得近d...其實我啊媽都係同我一樣,以前都係超級怕狗架,佢都係我養左佢地之後先無咁驚,依家仲好鐘意佢地tim...
逃學? 記大過~
回覆刪除[版主回覆11/22/2007 23:01:00]唔好啦.