噚日提過,今日係老爺生日飯既大日子,所以今日特別早起,同佢慶一慶麻.
首先7點幾起身,搞掂我兩個寶貝之後,就揸車出左九龍,接啊婆入o黎飲荼,因為老公係啊婆既心肝,呢個重任梗係要佢做啦...跟住接埋啊詩同佢老公(老公個表妹),就回程返去大埔啦.
返到去,放低佢地之後,我地又揸左架車去上水,因為老公隻手痛呀,要去睇下醫生,咁我又要跟住去啦,因為要幫佢睇住架車,睇完醫生之後,我地先返去飲茶.每次飲荼既時候,佢定一定會講番佢地細個既童年,咁就一定會講我老公架,因為佢實在太唔乖啦,我估佢地既家族佢認第二,無人認第一.而家佢地講番都會笑到肚痛架.
飲完荼,我地又去左fanling,因為要拎部電腦比朋友整呀.
跟住又番tai po,因為要想辦法擺低肥婷呀,我地仲要出九龍,帶埋佢,我湊唔掂呀,我地襯佢好沉迷打機既時候偷偷咁走左lu.
去完九龍,就返去食飯啦,因為奶奶佢地唔想人地哂錢,所以無去酒樓擺大壽呀,只係叫左幾個親戚返來一齊食,呢餐飯就由奶奶煮啦.
食完飯之後我地就切蛋糕啦,呢個cake都幾令架,上面有枝人參,不過我地一打開既時候,仲以為有條鮋魚係上面tim呀.
wahaha~~又真係幾似魷魚bor!!
回覆刪除[版主回覆11/27/2007 12:56:00]係呀.
我覺得佢似人參~~
回覆刪除[版主回覆11/27/2007 12:59:00]呢個角度就似,我o個日係另一角度望,又唔見o個幾條so,所以就似魷魚多d囉.
我都覺得似....................肥左既人蔘喎
回覆刪除[版主回覆11/27/2007 13:00:00]掉轉睇就似魷魚架啦.
又真係幾似魷魚喎~
回覆刪除[版主回覆11/27/2007 13:00:00](Empty)
咁你矛矛食到條魷魚呀
回覆刪除[版主回覆11/28/2007 09:19:00]梗係矛啦,o個晚食完3隻大閘蟹已經好飽啦,蛋糕我都只係食左兩啖咋.
條人參好好笑呀
回覆刪除[版主回覆11/28/2007 14:56:00]係呀.