今日咪咪同爸爸一早起身,就出左去喎....但係佢地明明話帶我去街街架,因為爸爸噚日整親隻手指,咁我同妹妹都可以去狗展見識見識呀,因為有人揸車車呀....
原來佢地係去左洗傷口+食早餐,搞掂哂d野之後,就返屋企接我同妹妹出去lu.
首先我地就去左接豆豆,跟住就向e-max出發啦!!
我地今日好早去,去到既時候唔係好多人咋,所以我puzzle仔反得好開心呀!!!
你地睇下,我同其他朋友仔,打摔跤,反得好開心呀.
咪咪今日買左呢個新狗袋比我去街街呀,佢一入到去,就睇中左LU,今日係3月8日婦女節,折完就有折呀,都算幾底呀.
我地都有去呀，三點幾去到，迫到人同狗都行唔倒，不過買咗好多嘢.....
回覆刪除[版主回覆03/09/2008 09:57:00]我地12點半到就去到lu,當時唔係太多人,行都ok架...我地就係3點幾走啦,係carpart出黎既時候都見到好多車排隊入去呀,我都估到超多人架啦....咁多人你都買到野好叻呀....我就無咁既心機啦,買左d必需品糧糧之後,都費鬼事行lu...
用咗新相機喇, haha, 你生日會記得同我影多d 相喎, 因為果日得我同咪咪咋, 陰公!
回覆刪除[版主回覆03/09/2008 18:23:00]呢個當然係問題啦,咪咪買部新相機都係為左個生日會咋....邊樹陰公喎...uncle都係唔得閒先唔同你地去....有我地同埋其他朋友仔陪你,都係一樣既...
我今日至去狗展，勁多人呀！燒賣全程都要抱住，我驚佢比人踩到啊！我無乜買嘢，只係訂咗一個狗牌同一個門牌咋！
回覆刪除[版主回覆03/10/2008 13:51:00]咁個狗牌會幾時有呀....
個袋幾靚喎~
回覆刪除[版主回覆03/10/2008 16:20:00]ok咁啦,咪咪星期日想帶埋我地去街街,諗住用新野麻...點知爸爸唔比呀...
呢個狗袋, 我本來都想買架. 不過始終覺得比起我依家用緊果一個大個. 又驚手挽部份咩上肩會好痛. 諗下諗下又驚比人鬧我買得太多狗袋 最後都係無買.
回覆刪除[版主回覆03/10/2008 20:45:00]下...呢個都算大個呀...我初時想買個個綠色架...唔知你有無留意呢.....不過叫puzzle試左之後,呢個都ok,所以先買左呢個架咋...下次買啦...分開買唔會比人鬧既....
爸爸唔俾? 買左唔用? 咁... ... 俾我用喇~
回覆刪除[版主回覆03/11/2008 13:07:00]coco咁你要同coffee family商量下啦...
個狗袋都幾靚架喎!
回覆刪除你知嘛, 喺七月份嗰個寵物節仲大吖, 喺機場架, 仲有車接送添!
到時咪唔洗等人車囉!
[版主回覆03/11/2008 13:09:00]我覺得算係ok架啦,因為睇左好耐都睇唔岩呀....
我知呀,我上年都有去呀,不過我又唔覺得真係有好多野賣囉....況且唔係我一定要人車呀....係我d寶貝坐公車都有機會會吠呀....不過到時我都會自己去既....
唔怕, 有專車送得我哋去機場寵物節, 就預咗有狗上車啦!
回覆刪除我未去過吖, 今個寵物節因為Bear女唔舒服, 去唔成, 七月實要去走轉!
[版主回覆03/11/2008 13:53:00]下,bear女唔c服,咁有無睇醫生呀....依家好番d未呀...